Albisteak
Ecuadorreko ikerlariak Ahotsak.com ezagutzen
2010-03-08 10:41:52 ¦
Joan zen astean bisita berezia izan genuen Ahotsak.com proiektuaren bulegoan. Ecuadorreko PUCE unibertsitateko Marleen Haboud ikerlaria izan zen Eibarren, bere lanen berri ematen eta Euskal Herrian egiten dugun proiektuaren gorabeherak ezagutzen. Elkarlanerako lehenengo pausoa izan da.
Zumaiako hitanoa landu eta bultzatzeko proiektua martxan da
2010-03-05 13:06:56 ¦
Zumaiako Udalak hitanoa sustatzeko lankidetza hitzarmena sinatu du Mintzola fundazioarekin.
Videoweb saria Ahotsak.com proiektuarentzat
2010-03-01 11:58:08 ¦
Asteburu honetan sari polita jaso du ahotsak.com webgune eta proiektu honek. Bilbon izandako VideoWeb'10 sariketan sari berezia jaso dugu. Eskerrik asko!
Ormaiztegiko lehenengo bideoak sarean
2010-02-25 09:05:12 ¦
Kontxa Intxausti Peña, 1919an jaioa dugu Ormaiztegiko lehen lekukoa.
Euskadi Irratian Ahotsak.com proiektua aurkezten
2010-02-12 13:06:23 ¦
Atzo arratsaldean Euskadi Irratiko Mezularia saioan izan ginen Ahotsak.com proiektuaren inguruko gorabeherak azaltzen. Zer da ahotsak.com? Zer egin nahi dugu? Non ari gara elkarrizketak egiten? Saioa entzungai duzu, nahi izanez gero.
Aka-Bo hizkuntza desagertu da
2010-02-09 09:31:08 ¦
Joan zen astetik hizkuntza bat gutxiago dago munduan. Urtarrilaren 26an hil zen Boa Sr emakumea, 85 urte zituela. Bera izan da, azken 30 urteetan, Aka-Bo hizkuntzaren azkenengo lekukoa. Hizkuntza bat gutxiago munduan.
Hondarribiaren oroimena: gure aitona-amonekin blagan
2010-02-07 21:34:33 ¦
Adinekoen testigantzak jaso ditu "Hondarribiaren oroimena"k 24 adinekoren testigantzak bideoan bildu dira "Duela urte gutxira arteko bizimoduari" buruzko dokumentala argitaratuko dute datozen hilabeteetan.
Langune elkartea sortu da
2010-01-31 21:45:20 ¦
Joan zen asteartean hitzordua izan genuen Donostian: Langune elkartea sortu zen, Hizkuntza Industrien Elkartea. Ibaetako kanpusean hainbat elkarte, erakunde eta enpresetako ordezkariak elkartu ginen eta elkartearen sortze-batzarra eta ez-ohiko batzar orokorra izan genituen.
101 herri, ehundaka kontu
2010-01-06 19:09:26 ¦
Zenbaki borobila da 100, eta hori gainditzea ere borobila! 101 herritako hiztunen kontakizunak daude entzun eta ikusgai dagoeneko webgunean. Zerrendaratzen azkenetarikoak Urnieta eta Amezketa izan dira.
Eleketa - Amikuzeko ahozko ondarea sarean
2010-01-04 10:42:27 ¦
Euskal kultur erakundeak 2007an abiatu "eleketa" izeneko euskarazko lekukotasun bilketa Nafarroa Behereko Amikuze lurraldean hasi zen 2007an. Hor, bi urtez, hogeita hamar amikuztar baino gehiago grabatuak izan dira. Grabaketa horien bideo-zatiak eta horiei lotu argazkiak eta xehetasunak sarean kontsultagarri dira, www.eleketa.com helbidean.
Hika ikasteko eskuliburua
2009-12-04 09:40:02 ¦
Dagoeneko kalean dago hikaren erabilerari buruzko lehenengo eskuliburua: Mintza hadi, lagun!. Ritxi Lizartzak idatzi du, azken 10 urteetan eman dituen ikastaroetan pilatuko esperientzian oinarrituta, eta Maramara Taldeak argitaratu. Hika erabiltzeko proposamen teorikoaz gain, adibide bibliografiko ugari bildu ditu, baita irakurle-ikasleentzako dozenaka ariketa ere.
Zumaiako Ahotsak aurkeztu dugu
2009-12-02 23:32:39 ¦
Atzo arratsaldean Zumaian izan genuen ekitaldia. Ekitaldi gozo eta hunkigarria. Azken urteotan herrian egin den bilketa aurkezteaz gain, lekuko guztiei euren laguntza eskertu zitzaien. Azken batean, aurkezpena baino gehiago omenaldia izan zen atzokoa.
Andres Agirianok (Eskoriatza) 103 urte bete ditu
2009-11-30 18:20:18 ¦
Gaur bete ditu urteak Andres Agirianok, Ahotsak.com proiektu honetan ditugun lekukotasunen artean, nagusienak. 103 urte bete ditu Andresek. Oraindik ere sasoian dago. Zorionak, Andres!
Gipuzkoako Aldundiak eta Kutxak Gipuzkoako egitasmoa gauzatzen lagunduko dute
2009-11-17 11:19:56 ¦
Ahotsak.com proiektua Gipuzkoan ahalik eta azkarren amaitu eta helburuak betetzeko, diru laguntza akordioa sinatu dute Gipuzkoako Foru Aldundiak eta Kutxak Badihardugu elkartearekin. Bi erakundeek, 240.000 euro bana jarriko dituzte, datozen hiru urteetarako.
Gernika-Lumoko ahozko ondarea batzeko proiektua abian
2009-11-16 12:13:18 ¦
Gernika-Lumoko Udalak herriko ahozko ondarea jasotzeko, antolatzeko eta hedatzeko proiektua burutu asmoz, Badihardugu Euskara Elkartearekin hitzarmena sinatzea onartu du. Aurten hasi eta 2012ko abendura bitartean gauzatuko da proiektua.
Azkue Fundazioa aurkeztu dute
2009-11-04 11:08:44 ¦
Gaur arratsaldean aurkeztuko dute AZKUE fundazioa, euskara modu berritzailean, Internet eta teknologia berriak erabiliz, bultzatzeko ekimena. Ahotsak.com ataria tartean izango da.
Aditz-taulen gidaliburua aurkeztu dute Soraluzen
2009-10-19 08:00:00 ¦
Ostiralean aurkeztu zuten Soraluzeko aditza jasotzen duen liburuxka. Egoitz eta Arianne Unamuno izan dira egileak eta Badihardugu Euskara Elkarteak argitaratu du.
Soraluzeko ahotsak 2010era arte
2009-10-07 12:54:12 ¦
Soraluzeko Udalak eta Badihardugu Euskara Elkarteak Soraluzeko ahotsak proiektua 2010eko abendura arte luzatuko duen hitzarmena sinatu dute.
Elgoibarko toponimia jasotzeko beka
2009-07-04 22:51:56 ¦ toponimia
Elgoibarko Udaleko Euskara Sailak aste honetan jakinarazi duenea, "Gotzon Garate" izeneko toponimia beka deialdia kaleratu berri du. Beka honen helburua Elgoibarko toponimia jaso, aztertu eta finkatzea izango da.
Mutrikuko lehenengo bideoak sarean
2009-06-25 17:22:57 ¦ debabarrena
Azken hilabeteetan grabazioak egiten jardun ondoren, aste honetan sareratu ditugu Mutrikuko lehenengo grabazioak. Interneten argitaratu ditugun aurreneko lekukoak Joseba Andoni Andonegi eta Gregorio Arreitunandia dira.