Jesus Gutierrez historialariaren hitzaldia, Eibarko bonbardaketaren 75. urteurrenean
2012ko api. 23a, 10:05
Eibar bonbardatu zuteneko 75. urteurrena dela eta, hitzaldia emango du Jesus Gutierrez historialariak apirilaren 25ean, arratsaldeko 7etan, Portalean.
Aurten 75 urte beteko dira armada nazionalak Eibar bonbardatu zuenetik. 1936ko irailaren bukaeratik 1937ko apirilera arte, 7 hilabete luzez, gerrako frontea Eibarren egon zen. Eta hilabete horietan Eibarren kontra egindako erasoak izango ditu hizpide Jesus Gutierrezek; batez ere, 1937ko apirilaren 24-25 bitarteko bonbardaketak. Horrez gain, beste zenbait kontu ere azalduko ditu: Eibarko eguneroko bizimodua nolakoa zen; Errepublikazaleek okupazio militarrak bere eskutan zuen zerbitzuen antolaketa nola egiten zen; edota kanoi antiaereoak non zeuden.
Gutierrez historialariak hainbat irudi erabiliko ditu; hala nola, bonbardaketa eta gero, Eibarren grabatutako irudiak; abiazio alemanak eta italiarrak Eibarren egindako erasoen parteak; eta, eraso horiek egin bitartean, hegazkinetik ateratako argazki bat. Badihardugu Euskara Elkarteak eta Ahotsak.com-ek ere beren ekarpena egin dute; izan ere, gerra bizi izan zuten eibartarren testigantzak ikusi eta entzungo ditugu.
Iruzkindu
Erantzuna emateko, sartu ahotsak.eus-eko komunitatera.
