Luis Katarain, "Gazta zati bat" filmeko artzaina hil da
2014ko mai. 19a, 11:16
Gazta zati bat filmean agertu zen Luis Katarain Idiazabalgo artzaina, eta ikusleen bihotzetara heldu zen. Euskal Herriko Ahotsak proiekturako ere elkarrizketatu genuen 2012an.
Luis Katarainek agur esan digu. Idiazabalgo artzaina ostiralean hil zen, 87 urterekin. Ezaguna zen herrian, eta baita beste toki askotan ere, Jon Maiak zuzendutako "Gazta zati bat" dokumentalean agertu zenetik. Erabakitzeko eskubideari buruzko lan horretan, bere ogibidea kameraren aurrean erakutsi, eta ikusleen bihotzetara heltzea lortu zuen. Xume-xume eta umil. Hark egina zen pelikulan elementu nagusi bilakatzen den gazta ere.
Aurretik, guk Euskal Herriko Ahotsak proiekturako ere elkarrizketatu genuen. Itziar Pildain egon zen Katarainekin, 2012ko urtarrilean. Elkarrizketa luze eta zabala egin zion bere gazte denboraz, artzain izateko bokazioaz edo eta artzantzako nekeez eta gozamenez. Katarainen 24 bideo-pasarte ditugu sarera igota, gehien-gehienak hain maite zuen artzaintzari buruzkoak. Gurasoei bere asmoa ez zitzaien gehiegi gustatu, baina berak umetatik zuen argi, eta erabakitako bidetik segitu zuen:
"Artzai ibili behar al dek?" amak
Dokumentalaren harira egindako "Idiazabalgo dantza zati bat" bideoan ere agertzen da Katarain:
Berria egunkarian eta Goierriko Hitzan, Katarainen heriotzaren berri. Nazioen Mundua ekimenak ere bere esker ona erakutsi nahi izan dio, sare sozialen bitartez. Guk ere Luix irribarre batekin gogoratuko dugu.
Iruzkindu
Erantzuna emateko, sartu ahotsak.eus-eko komunitatera.
