Bandera zuriak leihoetan nazionalak sar zitezen

Hizlaria: Klementa Arregi Lamariano
Herria: Bergara
Elkarrizketatzailea(k): Juan Martin Elexpuru
Data: 1999/04/22
Iraupena: 01:39:00
Erref: BER-032/006

Laburpena: Bandera zuriak jartzen zituzten leihoetan nazionalak sar zitezen. Euren etxean obserbatorioa jarri zuten etxe ostean. Idiek kablea apurtu zutenekoa.

Gaia(k):

- Hemen banderak-eta ipini zittuela esan dozu. Zela zan hori?
- Ba honek sartu bihar zebenian, klaro, jentiak alde zeban Bergatik, baiņa ez zien sartzen artian, eta jentiak izara zurixak etara jittuan balkoittara-ta, teillatura-ta.
- Eta noiz agertu zien zuenera soldauak bizitzera?
- Ba Zurran kaiņoiak ipiņi zittuenian, gurian obserbatorixua ipiņi zeben, han etxostian eta Kalbarixoko tontorrian [...] Pago bat zeuan erdixan huekua zeukana, eta hari zulua eiņ eta han tripodiak ero katalejuak ipiņi eta handik Intxorta aldia-eta ikusten juen, eta gure etxostetik Agarregoiko aldera jeuken zera, "la casa de muchas ventanas" Agarregoikua zuan, eta itxuria han mobimentu haundixa ikusten zuan milizianuak-ero zerak-eta. Eta obserbatorixua ipiņi zebenian etorri zittuan gurera alfereza-eta, kabo-eta; lau-bosten bat ero.
- Altuena zer zan, alfereza?
- Alfereza. Gero etotzen zuan kapitana be. Kapitana jeuan Usastin, itxuria, eta etorri zuan baten baiņo geixaotan, andriakin be bai. Andriakin haura Usastin zeuala esaten juen.
- Eta beste soldauak be espezialistak izango zien?
- Bai, komunikaziņotako zera. Behin, zera, kablia botata jeuan Zurratik Idurixora, eta apurtu zotsenian han ibili zittuan banderolekin seiņak eitten. Eta hasarre gabian. Zeiņek apurtu zotsen, sospetxosuak danak zittuan euskeraz eitten zebenak, eta gure aitta-zanak etxakixan erderaz, eta Amatiņoko tiak be ez. Eta sutonduan euskeraz harek eta: "Estos vascos que ni ellos se entienden, hablen en cristiano!" esan, eta ixilik; eta hiru egunian ixilik egon zittuan sutonduan, alkarri seiņak eiņaz (Barreak).

Proiektua: Bergara aldeko hiztegia
Kodifikazioa: Juan Martin Elexpuru
Transkripzioa: Juan Martin Elexpuru
Copyright: Juan Martin Elexpuru; Bergarako Udala