Bertako neskekin ezkondutako militarrak

Hizlaria: Klementa Arregi Lamariano
Herria: Bergara
Elkarrizketatzailea(k): Juan Martin Elexpuru
Data: 1999/04/22
Iraupena: 02:05:00
Erref: BER-032/018

Laburpena: Soldaduak suministroa lapurtzen; soldadua laztanak ematen; bertako neskekin ezkondutako militarrak.

Gaia(k):

- Soldauak pasatzen zittuan zerakin, suministrua. Egun birik bat jasotzen zeben hor Artillería de Montaña-ko horrek, muluendako lastua eta jana personendakua, eta brigadia eruaten zeben erekin zaintzeko, baiña beti..., etxe aurretik eta etxostetik, bixetatik bidia gurian leku batera joateko, eta brigadia etxostetik baldin bazoian, etxe aurrian lapurretan eitten jotsen, olixua ero okelia ero zera, eta etxostetik eruaten bazan, zera... Bai. Bat bajeuan Riestra-ero, asturiano bat; harek parian harrapatzen zittuenei laztana emuten jotsen, itxuria.
- Neskei?
- Neskei, bai. Baten, hor kuartel aldian baten bati emun jotsan, eta Hondartzan be kriadia atera urten, eta hari be laztana emun eta aurrera!
- Eta bestela hola sustoik soldauak neskei-eta?
- Ez, etxakuan tokau, bastante errespetoko jentia, errespeto haundiko jentia tokau jakuan.
- Geldittu zan iñor hemen ezkonduta-edo?
- Bai, bai. Munabeko Ixabel. Taberna Berrixan Pedro Joxen arrebia, Ixabel. Orduan einddako amistadiakin ezkondu zuan. Gaixorik be egon zuan, itxuria gizonen zerakin, baiña berana izengo zuan. Gero behintzet Naparruara berakin ezkondu zuan.

Proiektua: Bergara aldeko hiztegia
Kodifikazioa: Juan Martin Elexpuru
Transkripzioa: Juan Martin Elexpuru
Copyright: Juan Martin Elexpuru; Bergarako Udala