Bildotsak egiteko sasoi onena

Hizlaria: Luis Aranzabal Gabilondo
Herria: Bergara
Elkarrizketatzailea(k): Amaia Olañeta
Data: 1989/11/01
Iraupena: 00:00:00
Erref: BER-093/009

Laburpena: Adariak. Lehen, bildotsak jaiotzeko sasoia atzeratzea nahi izaten zen, neguko txarrena pasa ondoren udaberrian jaio zitezen eta horretarako adaria irailerarte barruan eduki behar izaten zen.

Gaia(k):

Baserria » Lana » Abereak
Baserria » Lana » Lanbide zaharrak
Baserria » Gizartea » Urtaroak, ilargia, natura...

- Eta adari-tokixa?
- Adari-tokixa?
- Bai.
- Guk ez giñuan adari-tokirik sekula euki! Guk adarixak, ba, bat edo bi eukitzen giñuzen ta udazkenian nahi bazan erretirau, udazkenian...
- Baiña zer egoten zian, aparte?
- Adarixak? Udazkenian bai. Udazkenian askok eukitzen dittue aparte, zeaittik ya ardixak arkeatzen hasten dia, ba, igual agostuan lehenengotan igual hasten dia. Ta nahi badozu bildotsak geruao euki, ba, euki adarixa aparte setienbrerarte ta... etxian adarixa; gero jarein. Hori da, ba, bildots-denporia atzeratzeko. Oin bildotsak [badauke...] Lehen nahi izeten zan bildotsak martixan jaiotzia, neguak txarrenak pasautakuan. Oin ez jako ardura, oin dao pentsua ta dao [alfalfia] ta... Lehen ez, lehen beranduao nahi izeten zan bildotsa, pixkat udabarrixa etorrittakuan. Orduan, ba, adarixa agostuan erretirau eitten zan. Eske [...etxian daukazu] hillebete atzerao bildotsak, beste adariren bat etortzen ez bada nunbaittetik. Adarixak [holakuak]izaten dia, adarixak alde batetik bestera ibiltten dira, errebañuan danak pasautakuan bestera.

Proiektua: Artzantza Bergaran
Kodifikazioa: Itziar Alberdi (Badihardugu Euskara Elkartea)
Transkripzioa: Aintzane Agirrebeña (Badihardugu Euskara Elkartea)
Copyright: Amaia Olañeta; Argiñe Urkiola; Bergarako Udala