Ardien jana; belarrak

Hizlaria: Luis Aranzabal Gabilondo
Herria: Bergara
Elkarrizketatzailea(k): Amaia Olañeta
Data: 1989/11/01
Iraupena: 00:00:00
Erref: BER-093/025

Laburpena: Sekula-belarra. Soroan ereiten zen. Pagatxa toki batzuetan berez irtetzen da. Sasoi batean pagatxa-hazia saldu egiten zen.

Gaia(k):

Baserria » Lana » Baratzea, soroa
Baserria » Lana » Abereak

- Gero, bedar klasiak, sekula-bedarra ta?
- Sekula-bedarra ta, etxian bakarrik, basuan gutxi hori! Hori basuan ikusi be ez! [Esateko be ez da].
- Lehen gehixao egongo zan gaiñera oin baiño, ezta?
- Solotan?
- Bai.
- Bai, solotan danak! Etxe danetan. Gaur ez dakit Uberan egongo dan... Geuk daukau bakarrik ta Agarrabeñan dao. Ta beste etxetan, ez dakit [Markiegittan] egongo dan. Zuek badaukazue? Beste iñok ez dauka [Markiegin] be. Agarrabeñan badao ta gurian be bai, ta ostian Uberan Markiegin hortxe ezkutuan ez badao... Sekula-bedarrik ez dao. Sekula-bedarra ardixendako ez da ona.
- Erein eitten da hori?
- Bai, erein eitten da. Erein eitten da, bai. Hori be pagatxian moduan [ereitten] da. Pagatxia, pagatxia Bergaran urtetzen dau --ondio urtengo dau-- leku baten erein barik. Beti urtetzen dau han. Dao zerian, hemen [Moru-k badauka] Zubittatik gorako etxe hortan, hori mendiori da pagatxia urtetzen dabena. Berez urtetzen dau e! Jausten da hazixa ta ez da galtzen. Hurrengo urtian be igual. Igual erneko da setienbrian, hurrengo gabonetan igual erneko da, baiña ondio ez da galdu. Beti dabil ganaua ta... Lehenao faten zian hara kaleko andrak pagatxa-hazixa batzera, ta saldu eitten zan pagatxa-hazixa, danian ereitten zan ta. Ondio be galtzeke egongo da. Hori berez lurrak emoten dau. Lur fiñak dia horrek.

Proiektua: Artzantza Bergaran
Kodifikazioa: Itziar Alberdi (Badihardugu Euskara Elkartea)
Transkripzioa: Aintzane Agirrebeña (Badihardugu Euskara Elkartea)
Copyright: Amaia Olañeta; Argiñe Urkiola; Bergarako Udala