Egur-batzea Elosun, auzolanean

Hizlaria: Mateo Gabilondo Alberdi
Herria: Bergara
Elkarrizketatzailea(k): Amaia Olaņeta , Argiņe Urkiola
Data: 1994/03/01
Iraupena: 02:18:00
Erref: BER-098/008

Laburpena: Egurra aizkorarekin bota eta apaintzea, familiako kideek egiten zuten. Egurra batzea berriz, lan astuna zen eta auzolanean egiten zen. Elosu inguruko ikazkin gehienek beraientzat egiten zuten ikatza. Gerra osteko urteetan baso-mutilak ibiltzen ziren ikazkin lana egiten.

Gaia(k):

- Eta lana zenbaten artian eitten zan?
- Lana... bota egurra bota eitten zan jeneralien edo gehixenetan zerakin, aizkorakin botatzen zan ez zan beste sistimarik izeten, bota eta apainddu ya familixan eitten zan. Ta gero batzia nola lan haundixa zan, bizkarrien batu biher zan, zeaitti egurra botatzen zan entresakien edo tarti... haundiņa botatzen zan eta ezin zeiken ganauekin-ta ezin zeiken ibili zerian eta batu bihar izeten zan bizkarrakin. Eta hori alkarri lagunduta eitten zan. Gaur egun baten eitten zan gurian, hurrengo Gomezkortan eingo zan ta hurrengo beste baten eta egurrak batu eitten zien zerien, kuadrillan.
- Eta iņos ein zenduen, ez dakit, holan, kuadrillan baten-edo biherra beste bateronbatentzako edo? Ala beti etxerako?
- Etxerako. Bai, guk... Nik neuk etxerako ein neban. Eta hemengo iketz-lana gehixena bakoitza beretako izen zan. Lehen esan dotena, gerra-ondoko epoka horretan egon zien baso-mutillek esaten jaten kuadrilla bat. Hementxe be ibili zien. Geure tio batek erabili zittuen eta harek jardun [eben] nere tio batentzako. Harek hartu zittuen baso batzuk eta eitten. Lehen esan dotena, ba, estimaziņo haundi bat euken iketzak eta...
- Eta horrek ze zien, euskaldunak, bertokuak ala...?
- Bai, euskaldunak zien eta, geiņera, euskaldun-euskaldunak zien: Osintxukuak, napar bat euki eben... Erak kalekuak zien, baiņa urte txarrak zien, gosie euen kalian, dirua're, ba, oso gutxi euen eta, ba, hona mendira etorri ta pezeta batzuk irabaztera [...] ezkonduta bizi zienak Osintxun, Plazentzin ta horretan.
- Esan dozu baso-mutillak ziela horrek?
- Baso-mutillek esaten jaten, baiņa zien hemengotxe gizon batzuk, hemengotxe gizon batzuk. Eta erak ikezgiņan ez ekixen eta napar bat erabili eben iketza egosten edo zerien. [...].
- Eta holan esaten jakuen, baso-mutillak?
- Baso-mutillek. Baso-mutillei askotan esaten jako horrei be bai eta baitta piņu botatzen dabitzenei eta beste askotan, ba, basuan dabitzen mutillei.

Proiektua: Karobiak, txondorrak eta elurzuloak
Kodifikazioa: Itziar Alberdi (Badihardugu Euskara Elkartea)
Transkripzioa: Aintzane Agirrebeņa (Badihardugu Euskara Elkartea)
Copyright: Amaia Olaņeta; Argiņe Urkiola; Bergarako Udala