Maria Luisa Alberdi Arruetajauregi

(Bergara, 1925/03/30 - 1999/05/29)

Iurretako Oromiño auzoan jaio zen, nahiz eta oso txikitatik Mañarian bizi. 25 urte zituela ezkondu zen eta Ubera auzoko Egurbide-haundi baserrira bizitzera joan zen. 5 seme-alaba izan zituen. Baserriko lanak egin eta plazan barazkiak saltzen zituen. 1983an kanta zaharrak batzeko bi grabazio egin zitzaizkion eta honako kantak abestu zituen, besteak beste: "Begire nago begire", "Antontxu zera zu", "Abadiño San Blasetan"... Bi grabazio horietako batean Mertxe Olabe eta Bittori Aranburu ere azaltzen dira eta bestean Carmen Gaztelu.

Bitori Aranburu Altube

(Bergara, 1934/04/20)

Posada baserrian jaiotakoa. Baserri honek argiari sartzen uzten dion zulo txiki bat zuen egurrezko baoguneen artean eta etxaurrean, labea babesten duen estalpea. Ezkondu ondoren Marki Nagusi baserrira joan zen bizi izatera. 1983an Bergara aldeko kanta zaharren bilketa-lanerako egin zitzaion grabazioa eta honako kantak abestu zituen: Errege don Felipe; Andra Josepa tronpetan; Atxia mutxia peroripan; Dingilin dingili mailla; Gaztia nintzanian; Gabon Gabon; Gure mutiko txikixen honi. Grabazio berean Mertxe Olabe eta Maria Luisa Alberdi ere agertzen dira.

Mertxe Olabe Zabala

(Bergara, 1930/11/15)

Zaldibarren jaio baina umea zela Elgetara joan ziren bizi izatera. Ezkondu ondoren Etxeberriaundia baserrira (Santikua) joan zen bizi izatera. Grabazio honetan batez ere antzinako sehaska kantak abesten ditu. Bergara aldeko kanta zaharren bilketa-lanean bere ekarpena oso garrantzitsua izan zen. Honako kantak abestu zituen: Lotxo engañadore; Haurra logale dalako. Grabazio berean Maria Luisa Alberdi eta Bittori Aranburu ere agertzen dira.

"Andra Joxepa tronpetan" kanta, Bittori Aranburuk abestuta

Hizlariak: Maria Luisa Alberdi Arruetajauregi , Bitori Aranburu Altube , Mertxe Olabe Zabala
Herria: Bergara
Elkarrizketatzailea(k): Argiñe Urkiola
Data: 1983
Iraupena: 00:50:00
Erref: BER-034/015

Laburpena: "Andra Joxepa tronpetan" kanta abesten du Bittori Aranburuk. "Andra Josepa tronpetan; Kristoren zoragarri, jarri belaunbiko, adora Jesucristo; zein da baserriko onena, asa burua loratzen, aitatxo eta amatxo, urra, urra pipitxo, ala kinkiñera, ala samurrera, Josepa Etxeberriko, jira beste aldera"

Gaia(k):

Gizartea » Lagunartea eta familia » Jolasak
Gizartea » Kantak eta kontakizunak » Ume-kantak
Baserria » Gizartea » Jolasak eta kantak

Andra Josepa tronpetan
Kristoren zoragarri,
jarri belaunbiko,
adora Jesukristo
ein da baserriko onena?
aza burua loratzen,
aitatxo eta amatxo,
urra, urra pipitxo,
ala kinkiñera,
ala samurrera,
Josepa Etxeberriko,
jira beste aldera!

Proiektua: Bergara inguruko kanta zaharrak
Kodifikazioa: Itziar Alberdi (Badihardugu Euskara Elkartea)
Transkripzioa: Aintzane Agirrebeña (Badihardugu Euskara Elkartea)
Copyright: Argiñe Urkiola; Bergarako Udala