Migel Gallastegi eta Jose Luis Akarregi

Eibarko kultur ondarea

Hizlaria(k): Gallastegi Ariznabarreta, Migel

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AB-093-008 kodeko bideoa nahi duzula aipatzea: ahotsak@ahotsak.eus

Txertatu audioa:

Migel Gallastegi eta Jose Luis Akarregiren arteko finalak.

« Aurrekoa Hurrengoa »

Proiektua: Egoibarra - Eibartarren Ahotan
Elkarrizketatzailea(k): Euskadi Irratia
Data: 1998(e)ko urtarrilaren 01a
Iraupena: 0:01:22
Erref: AB-093/008
Gaia(k): Aisia » Kirola » Pilota

Jatorrizko proiektua

Grabazio honen materiala ondorengo proiektuaren baitan jaso eta landu zen. Bertan aurkituko duzu jatorrizko materiala eta informazioa: Eibarko udalaren materiala - Eibartarren Ahotan - Egoibarra

Transkripzioa

– Beste bi final komentatu behar ditugu. Bata Akarregiren kontra jokatu zenuena Eibarren. Eta hau irabazi 22 eta 15. 1950ean. Jada pasatu dira urte batzuk, noski, berrogeita hamar. Zer akordatzen zara final honetaz, Migel?
– Hori partidu ona izan zan hori be. Hori partidu ona. Akarregikin jokatu dittuten…
– Hura zer izan zen? Sake librean?
– Ez, hirutik sakatzen. Hirutik sakatzen.
– Sake libretik besteetara bentaja handia zegoen?
– Bai. Sake libria… Klaro, nik bentajia neukan sake librian. Sakia errez restatzen neban ezkerrakin. Eta, klaro, `Atano III.a´ hori sake librian be, bai: jartzen zan boleo, baiña pelotia goittik pasatzen jakon eta ezin zertu. Eta, klaro, nik mano y mano jokatzeko bentaja haundixagua euki dot, bestiak baiño pixkat gehitxuago errestatzen neban sakia. Akarregi be aurrelarixa zan eta sakia errestatzen, ba, justu ibiltzen zan.
– Beraz, ondo akordatzen zara final hori hirutik atereaz irabazi zenuela. Eta zure azken finala, Bergaran jokaturikoa ere akordatuko zara, Akarregiri irabazitakoa 22 eta 14ko emaitzaz. Hori ere akordatzen zara, ezta, Migel?
– Bai, bai, bai. Partidu hori pixkat erreztxuago irabazi netsan. Ez zan Akarregi orduan partiduan halako ondo egon. Eta hortxe segitzen genduan, alkarren kontra. Akarregi eta ni ribal haundixak izaten giñan, baiña kanpuan lagun haundixak giñan.

Egilea(k): Eukene Lamariano , Oier Narbaiza