Arrateko Igoera; txirrindulari ezagunak

Transkripzioa

– Juanito, lehen esan duzu Marruecos aldean beti ere Gobernuak organizatzen zuen karrera hartan beti ere marroki batek irabazi behar zuela. Eta askotan pasatu da organizazio askori gehiago interesatzen zaiola izen haundiko batek irabaztea etxeko batek baino. Eta hemen dauzkat Eusebio Velezen deklarazio batzuk esaten zuena: “Aimarrekin batera ailegatu nintzen, Lucien Aimarrekin batera, hura ni baino geroago ailegatu zen gero, hamar minutura, eta harek irabazi zuen. Poulidor-ekin beste behin ere berdin pasatu zitzaidan”. Egia al da zuei ere berdin pasatzen zitzaizuela? Nahiago zenutela kanpoko izen handi bat jarri izana palmaresean? Kasu honetan Eusebio Velez aipatu dugu, horrelakorik gertatu al zen?
– Bueno, badakizu. Hori nik pentsatzen dot batzuetan normal… Hor dakazu… Iñork ez etsan esan. Baiña neri Poulidor etorri zanian, Wolfshohl alemanakin etorri zan, bixak etorri ziran "Subida Arrate"ra. Eta bizperan igo eben bixak. Eta etorri zan Txokora, tabernara, etorri zan eta esan esten… Poulidor-ek esan estan, franses esan estan: “Bixar seguramente neuk irabaziko dot karreria”. “Ene! –esan netsan– Ba irabazten badozu, pozik”. Eta: “Ba egingo dittut ahalegiñak, baiña pentsatzen dot irabaziko dotela. Eta Wolfshohl-ek esan estan: “Nik lagunduko detsat. Batak edo bestiak irabaziko dogu". Eta Poulidor-ek irabazi eban. Eta beste urte baten etorri zan eta baitta barriz be, barriz irabazi eban Poulidor-ek.
– Baina badakizu esaten duena Eusebio Velezek, behin baino gehiagotan haserre joan zela, ezta?
– Bueno, baiña ez zekan motiborik. Nik Langarikari be esan netsan: “Ez dakazu motiborik holan jartzeko. Sprintian denpora igualian zertu dira. Eta esan estan Langarikak neri han sprintian segundo bat etara etsala. Ez da egixa. Nik hamen dakat klasifikaziñua eta hamen ipintzen dau "mismo tiempo". Eta oin segundo bat kendu detsa kontrarrelojian". Segundo bat edo bi, ez dakit zer kendu etsan.

Egilea(k): Eukene Lamariano , Oier Narbaiza