Serafin Basauri Arteaga

Gurasoak bizkaitarrak zituen, Atxondo ingurukoak, baina Eibarrera ezkondutakoak. Serafin eta anai-arrebak Eibarren jaio ziren eta bertan bizi izan da beti. Frontoizarreko eskola nazionaletan ikasten hasi ondoren, fraideetan eta Armeria Eskolan jarraitu zuen. 17 urterekin GAC lantegian hasi zen lanean eta, geroago, hainbat urtez Alfan. Frankismo garaian erabat murgildu zen Eibarren izan zen mugimendu klandestinoan eta euskalgintzan. 1955-1970 bitartean, Imanol Laspiur eta Juan San Martin lagun zituela, Eibarren euskararen eta euskal kulturaren inguruan izandako eragile nagusietakoa izan zen: Klub Deportiboko euskarako klaseak, ikastolak, Ekin eta abar. Baita gerora ere, HBn, Aralarren eta Elkarrin. Franko osteko lehenengo legegintzaldian zinegotzi izan zen Eibarko udaletxean. 1990. urteaz geroztik Eibarko euskara jaso eta aztertzeko saioetan ere lan handia egin du, batzuetan zuzenean lanean eta beste batzuetan lekuko bezala. Euskaltzain urgazle da.

Ipurua futbol zelaia, S.D. Eibar eta Elgoibar

Hizlaria(k): Basauri Arteaga, Serafin
Herria: Eibar (Gipuzkoa)
Elkarrizketatzailea(k): Asier Sarasua Aranberri
Data: 2008-01-10
Iraupena: 0:03:00
Erref: EIB-027/018

Laburpena: Ipuruako futbol zelaia inauguratu zuten egunean hantxe egon zen, Ipuruan. Eibar-Elgoibar izan zen. Herri bien artean muturka ibiltzen ziren. Benetako borrokak izaten ziren zaleen artean. Elgoibarrera tren espezialetan joaten ziren. Beste herri batzuetara ere joaten ziren kamioietan. Denborak aurrera egin ahala, Eibarrek gora egin zuen eta Elgoibarrek behera. Aitak ez zion lagatzen zinera joaten, tuberkulosiaren beldur, eta futbolera bidaltzen zuen, "aire librian" zelako.

Gaia(k):

Transkribatu gabe dago pasarte hau. Lagundu nahi al duzu?

Goian daukazu pasarte hau entzuteko aukera. Lagundu hura transkribatzen!

Proiektua: Eibarko ahozko ondarea
Kodifikazioa: Asier Sarasua (Badihardugu Euskara Elkartea)
Transkripzioa: None