Serafin Basauri Arteaga

Gurasoak bizkaitarrak zituen, Atxondo ingurukoak, baina Eibarrera ezkondutakoak. Serafin eta anai-arrebak Eibarren jaio ziren eta bertan bizi izan da beti. Frontoizarreko eskola nazionaletan ikasten hasi ondoren, fraideetan eta Armeria Eskolan jarraitu zuen. 17 urterekin GAC lantegian hasi zen lanean eta, geroago, hainbat urtez Alfan. Frankismo garaian erabat murgildu zen Eibarren izan zen mugimendu klandestinoan eta euskalgintzan. 1955-1970 bitartean, Imanol Laspiur eta Juan San Martin lagun zituela, Eibarren euskararen eta euskal kulturaren inguruan izandako eragile nagusietakoa izan zen: Klub Deportiboko euskarako klaseak, ikastolak, Ekin eta abar. Baita gerora ere, HBn, Aralarren eta Elkarrin. Franko osteko lehenengo legegintzaldian zinegotzi izan zen Eibarko udaletxean. 1990. urteaz geroztik Eibarko euskara jaso eta aztertzeko saioetan ere lan handia egin du, batzuetan zuzenean lanean eta beste batzuetan lekuko bezala. Euskaltzain urgazle da.

Tertuliak Club Deportiboan

Hizlaria(k): Basauri Arteaga, Serafin
Herria: Eibar (Gipuzkoa)
Elkarrizketatzailea(k): Asier Sarasua Aranberri
Data: 2008-01-10
Iraupena: 0:04:00
Erref: EIB-028/009

Laburpena: Igande goiz guztietan ikastaroak ematen pasatzen zituen, Deban, Arrasaten... beti politikako kontuak. Larunbat arratsaldetan, berriz, Klub Deportiboko tertuliak izaten ziren: Imanol Laspiur, Juan San Martin, Santi Arizmendi, Paulino Larra�, Bittor Kapanaga... Bakoitzak bere paper eta kontuak eramaten zituen eta ordu txikiak arte egoten ziren berriketan. Santi Arizmendik, esate baterako, Toribio Etxeberriaren gorabeherak kontatzen zituen. Juan San Martinek ere beti zuen zer kontatu. 1955-1960 bitartean izan zen, batez ere.

Gaia(k):

Ekonomia, Lana, Politika » Gerra ostea » 04.17.06 Euskara, kultura, ikastolak

Transkribatu gabe dago pasarte hau. Lagundu nahi al duzu?

Goian daukazu pasarte hau entzuteko aukera. Lagundu hura transkribatzen!

Proiektua: Eibarko ahozko ondarea
Kodifikazioa: Asier Sarasua
Transkripzioa: None