Arrateko abadetxea barrutik

Laburpena: Arrateko abadetxea nolakoa zen orduan azaltzen du. Bertan bizi ziren osaba Don Pedro abadea eta Maritxu Olarra.

-Esan dozu zuek bizi ziñaziela abadetxian.
-Bai. Hara joan biha zanian han, ezta, danok, eta gero abadetxian, negua ta abadetxian.
-Abadetxia zelakua zan?
-Abadetxia ba ointxe dauan morukua kanpotik, ezta. Ba zan sukaldia, osea pasillo luze bat, sartzen ziñan eskaillaretan gora; ez zara sekula egon han sakristixan, ez? Bueno ba ha kanpoko atia badao ba Ama Birjiñia dakana; bueno, handik sartu da holan joaten za sakristixara eta hemendik eskailleratik gora. Han eskaillaran jausi nintzan ez dakit zenbat bider. Oin horrek golpiok be etorriko dia artrosisantzako ondo. Eta joaten giñan gora ta pasillo luze bat sukalderaiño; gero zaozen ba han eskaillera batzuk han barrarako, ganbaran ba trastiak eta eukitzeko. Eta gero zeuren ba sala txiki bat, eta bat, bi, hiru kuarto. Matrimonixuak eitten zaban erdikuan umiakin eta bestian tiok eitten zaban "en el siguiente"; eta han sala txikixan gero amama ipiñi zeben, amama etorri zan gero basarrittik, bai, ta ni atzenenguan egoten nintzan.
-Amama don Pedron ama?
-Ama. Don Pedron ama gaizki zeuan bihotzetik edo jarri zan... Basarrixan bizi zan.

Proiektua: Eibarko ahozko ondarea
Kodifikazioa: Ane Sarasketa
Transkripzioa: Juan Martin Elexpuru