Pedro Joxe Artetxe Egia
(Elgoibar, 1916/02/21 - 2004/01/08)
Biografia
Azkue (San Roke) auzoko Andikao baserrian jaio zen 1916an, eta han bizi izan zen, autopista egiteko bota egin zuten arte. 6 anai-arrebaren artean bosgarrena zen bera. Denak bizi ziren baserri hartan, amaren parteko aiton-amonak barne. Pedro, 6-7 urte zituela hasi zen Plaza Txikiko eskolan, baina bere maisu zenak "blastaria" eman omen zion, eta ez zen gehiago bueltatu. Gero, ordea, Don Erasmorenean hasi zen ikasten. Han ibili zen 11 urte bete arte, urte hartan komunioa egin baitzuen, eta ordutik aurrera, lanean hasi behar izan zuen: hasieran baserrian, gero zentralean..., baina gerrak harrapatu omen zuen momentu hartan, eta soldadu joan behar izan zuen 30 hilabetez. Bueltatu zenean, bere postuan beste bat zegoen, eta berak beste toki batzuetara jo behar izan zuen. Trenbidea egiten ere aritu zen, eta azkenik, Sigman sereno izan zen jubilatu arte. Horrez gain, soldadutzatik bueltatzearekin batera, emaztegaia aurkitu zuen Pedrok: Ines Zendoia Oregi (Agarretxiki baserrikoa). 40. urte inguru hartan, beraz, ordura arte errentan izan zuen baserri hura erosi zuen 22.000 durotan, eta bertara joan ziren emaztea eta biak.
Zintak
| # | Kodea | Data | Iraupena | Proiektua |
|---|---|---|---|---|
| 1. | EGB-012 | 2002 | 95 | Elgoibartarren esanetan |
| 2. | EGB-024 | 1999 | 80 | Elgoibarko euskara |
