Juliana Zubizarreta Gurrutxaga

(Elgoibar, 1910/02/22 - 2006/07/21)

Sallobente auzoko Armaitta-Behekoa baserrian jaio zen. 14 urterekin, Lekunberri baserrira joan zen hango lanak egiten laguntzeko. Bertan bi urte eman ondoren, Urruzuno bailarako Urruzuno-Etxetxo baserrira joan zen. Hamaika anai-arrebatatik hamargarrena zen Juliana. Urruzuno auzoko Aldapa baserriko Juan Larrañagarekin ezkondu zen 21 urte zituela. Panderojolea bera, Katalotzari lagun eginez, hamaika erromeria girotu zituen.

San Lorentzon bazegoen eskola, baina bera ez zen joan

Laburpena: Ez zen eskolara joan baserrian lagundu behar izaten zuelako, baina auzoko emakume batekin doktrina ikasi zuen. Baserrietan egoten ziren eskolak. San Lorentzon kanpotik etorritako irakasle bat egon zen.

• Gizartea » Hezkuntza » Eskolak
• Gizartea » Hezkuntza » Maixu-maistrak
• Gizartea » Erlijioa » Ospakizunak eta beste

- Zu jun al ziñan eskolara?
- Ez maitie, ez nitzen juan.
- Ez, ezta?
- Iñora, iñora ez giñan ni jun. Batzuk jun zien, baiña... ez zien allegauko aitta ta ama edo... behintzat ni ez nitzen juan eskolara.
- Zu eskolara ez ziñan jun.
- Auzuan zan andra zahartxo bat ta hantxe ikesi naben hori, doktriñia.
- A bai, erlijiua ta dotriñia.
- Besterikan nik ezer ez dakit.
- Eta zuk gogoratzen dittuzu Elgoibarren eskolak? Zu gogoratzen zea eskoletaz, nahiz ta zu ez jun?
- Bai. San Lorentzon egoten zan ta...
- San Lorentzon bazeuden?
- Bai, ta [Kurutzetan] ere bai ta holakotxe leku batzuetan egoten zan baserrixetan eskolak. Ba, gure modukuak jutekuak, baiña ni ez nitzen juen. San Lorentzon, San Lorentzon ezautu naben kastellano bat egon zan, kastellano txiki bat.
- Maisu bat?
- Bai, maisu bat. Baiña nere lagunak juaten zien, baiña ni...
- Eta kanpotikan etorrittakua?
-Bai, bai, nundik ez dakit, baiña kanpotik etorrittakua bai.
- Eta eskolan neskak eta mutillak, ba, aparte ibiltzen zian, ezta?
- Ez. Ganbara bat [egoten zan], ganbara bat [hamen]... Oin, ez dakit aparte egoten zian, baiña leku baten...
- Bai, danak leku baten?
- Bai, bai, bai.
- Danak elkarrekin? Sallobenten, ezta?
- [Ganbarape] baten.
- Sallobenten danak, ganbara baten...
- Bai.
- Danak sartzen zittuzten han?
- Bai, neska-koskor eta mutikoskor, danak leku baten egoten zien.
- Eta ze juten zian eskolara, goizian, arratsaldian...?
- Bixetan, danien.
- Danian, ezta?
- Oiñ, orduak ez dakit.
- Ya.
- Baiña goizien eta eguardiko hamabixak arte eta gero, arratsaldien berriz. [Bietan, bietan].
- Oso ondo. Ta oporrak eukitzen zittuzten?
- Harek?
- Eskolara juten zianak?
- Harek bai. Harek txikixek, baiña nik haundixek eukitzen [neban] oporrak.

Proiektua: Elgoibartarren esanetan
Kodifikazioa: Aintzane Agirrebeña (Badihardugu Euskara Elkartea)
Transkripzioa: Estitxu Irisarri
Copyright: Elgoibarko udala