Joxe Odria Osoro

(Elgoibar, 1913/01/17)

Larruskaingo (Bizkaia) Damakorta baserrian jaio zen. 6 urte zituela, ama alargun gelditu zen. 9 urterekin Elgoibarrera etorri ziren, eta Guenetxeberri baserrian jarri bizitzen, baita amona ere. 6 anai arrebaren artean bosgarrena zen bera. Ermuaran-Sallobente auzoko Luis Etxanizek Mokoroa baserrian ematen zituen klaseetara joan zen. Gerra aurretik, San Pedroko fabrikan hasi zen lanean, 19 urterekin. Soldadu joan behar izan zuen, ordea, eta 3 hilabetean Bilbon egon zen zauriturik. Baina gerra ezkero, Iriondorekin hojalaterian hasi zen ikasten. Gero, bere kontura jarri zen beste hojalateri batean. Dantzaria bera, hamaika jaialditan aritu zen Miren Vallejo elgoibartarrarekin bikote eginez. Bere emaztea Maltzagako erromerian ezagutu zuen. Berak 26 urte zituen, eta Teodora Aldazabalek, bere emazte izango zenak, 17. Handik 8 bat urtera, Plazentzian ezkondu ziren.

Maltzagako erromerian ezagutu zuen emaztea

Hizlaria: Joxe Odria Osoro
Herria: Elgoibar
Elkarrizketatzailea(k): Jabi Leon
Data: 2002/03/13
Iraupena: 02:20:00
Erref: EGB-014/018

Laburpena: Neska-mutilak erromerietan ezagutzen zuten elkar. Maltzagan egiten zen erromeri ezaguna eta bertan ezagutu zuen Joxek Teodora Aldazabal, bere emaztea izango zena. Teodora Soraluzeko Ezozi auzokoa da eta haraino joan behar izaten zen Joxe neska-laguntzera. Nobiotan zortzi urte egin ondoren ezkondu ziren.

Gaia(k):

Gizartea » Neskatan-Mutiletan » Nobio-kontuak
Kultura, Kirola, Jaiak » Jaiak » Erromeriak

Transkribatu gabe dago pasarte hau. Lagundu nahi al duzu?

Proiektua: Elgoibartarren esanetan
Kodifikazioa: Aintzane Agirrebeña (Badihardugu Euskara Elkartea)
Transkripzioa:
Copyright: Elgoibarko udala