Joxe Odria Osoro

(Elgoibar, 1913/01/17)

Larruskaingo (Bizkaia) Damakorta baserrian jaio zen. 6 urte zituela, ama alargun gelditu zen. 9 urterekin Elgoibarrera etorri ziren, eta Guenetxeberri baserrian jarri bizitzen, baita amona ere. 6 anai arrebaren artean bosgarrena zen bera. Ermuaran-Sallobente auzoko Luis Etxanizek Mokoroa baserrian ematen zituen klaseetara joan zen. Gerra aurretik, San Pedroko fabrikan hasi zen lanean, 19 urterekin. Soldadu joan behar izan zuen, ordea, eta 3 hilabetean Bilbon egon zen zauriturik. Baina gerra ezkero, Iriondorekin hojalaterian hasi zen ikasten. Gero, bere kontura jarri zen beste hojalateri batean. Dantzaria bera, hamaika jaialditan aritu zen Miren Vallejo elgoibartarrarekin bikote eginez. Bere emaztea Maltzagako erromerian ezagutu zuen. Berak 26 urte zituen, eta Teodora Aldazabalek, bere emazte izango zenak, 17. Handik 8 bat urtera, Plazentzian ezkondu ziren.

Lehenbizi San pedroko fabrikan eta gero hojalatero

Hizlaria: Joxe Odria Osoro
Herria: Elgoibar
Elkarrizketatzailea(k): Jabi Leon
Data: 2002/03/13
Iraupena: 02:55:00
Erref: EGB-014/041

Laburpena: Gerra aurreko enpresa garrantzitsuena San Pedroko fabrika zen. Gerora hasi ziren Alkorta, Gabilondo eta besteak. San Pedroko fabrikan lanean zegoela soldadutzara joan beharra izan zuen. Handik itzultzean berriz bertan hasi zen lanean. Bi urte eta erdi egin zituen bertan. Gero Fructuoso Iriondorekin hasi zen hojalaterian lanean. Urtebete inguru egin zuen honekin eta gero bere kontura hasi zen hojalatero lanetan.

Gaia(k):

Ekonomia, Lana, Politika » Industria » Orokorra
Ekonomia, Lana, Politika » Industria » Beste batzuk
Ekonomia, Lana, Politika » Lanbideak » Beste batzuk

Transkribatu gabe dago pasarte hau. Lagundu nahi al duzu?

Proiektua: Elgoibartarren esanetan
Kodifikazioa: Aintzane Agirrebeña (Badihardugu Euskara Elkartea)
Transkripzioa:
Copyright: Elgoibarko udala