Irakaslea kanpotarra zen eta gaztelaniaz ikasten zuten Idiazabalen

Hizlaria: Juliana Irizar Goiburu
Herria: Elgoibar
Elkarrizketatzailea(k): Jabi Leon
Data: 2002/04/25
Iraupena: 02:48:00
Erref: EGB-019/004

Laburpena: Idiazabalen bertan ibili zen eskolan 7 urtetik 12 urte ingurura arte, baina askotan ezin izaten zen eskolara joan baserrian lana egoten zelako. Ganaduekin itulan ibiltzen zen sarri. Irakaslea, doa Juana, Artajonakoa zen. Dena gaztelaniaz ikasten zuten eta elizan ere gaztelaniaz egiten omen zen. Gauza oinarrizkoak ikasteaz gain, josten( bainikak egiten) ondo ikasi zuten eskolan.

Gaia(k):

- Zenbat urterekin hasi ziņan eskolan eta zenbat urtera arte? Idiazabalen bertan egongo ziņan, ezta?
- Bai, bai. Hamabi bat urte arte ibiliko nitzen. Baiņo askotan edo soroon lan ein behar zala edo, badakizu, ganauakin eitten zan orduan lana ta ganauan aurretikan, ittulia esaten zikon. Bat ibiltzen zan, ezta? irikitzen bezela. Eta orduan soron lan ein biher zala ta askotan eskolara jun be igual gelditzen giņen.
- Eta zenbat urterekin hasi ziņan eskolan?
- Ba ni ez naiz akordatzen zenbat urtekin hasiko nitzen, baiņa orduan, e... zazpin bat urtekin edo hola.
- Parbulorik ez zauan, ez?
- Ordun ez zauan parbulorikan, dana iguala zan.
- Zazpi urtetikan hamabi urtera arte.
- Bai, hamabi urte arte, beti-beti jun ezta hori, e!
- Eskola berdiņian beti?
- Bai, beti. Maistra bat genduken...
- Zela zakan izena maestrak?
- Doņa Juana. Artajonakua zan.
- Artajonakua. Euskalduna, ordun?
- Ez, ez, kastellania. Artajona Riojan edo Naparrua hurrian edo...
- A, bai, bai, bai. Naparroa, Naparroa [...].
- Naparrua hurrien-edo, baiņo bueno, euskerarikan, ordun eskolan ez zan euskeraz ezer esaten.
- Naparra izanda, baiņa...
- Dana erderaz.
- Dana erderaz eitten zenduten Idiazabalen, e?
- Bai. Euskeraz ezta pentsau ere!
- Eta liburuak eta dana erderaz?
- Dana erderaz.
- Dana erderaz.
- Dotriņia ta dana erderaz. Elizan ere, gero komuniua ein bihar gendunian ta, elizan ikasten... dotriņia. Eta, nik uste dot, elizan'e ez dakit ez genduan erderaz eitten.
- Arrarua baiņa, Idiazabal hain herri euskalduna izanda-ta.
- Bai, baiņa ordun, e... ez dakit, ba, nik...
- Ezberdiņa zan, ez?
- Bai. Beno, Franco gerogo etorri zan, baiņa... Baiņa eskolan. behintzet, dana erderaz.
- Dana erderaz eitten zan?
- Bai, dana erderaz. Ta eskolan ze ikasten genduan ba guk orduan? Ba, sumar ikasi genduan.
- Irakurtzen pixkat.
- Bai, irakurtzen ta ostien, bainikia eitten, bainikak eitten. Holan maistria gehixao okupatze] zan. Gu bordatzen edo bainikak eitten, hori ondo ikasi genduan. Bainikak eitten.
- Bai, e... etxeko lanak eta holakuak, ez?
- Etxekuak ez, josteko.
- Bai.
- Bainikak, ez dakizu zer dan bainikak? Harixak etara ta gero [gora hartu] ta bainikak eitten.
- Holakuetan, ez?
- Bai.
- Oso ondo. Eta uniformerik bai?
- Ez!
- Ezta pentsau ere, ezta?
- Uniformia? Bueno, bueno... ezta pentsau ere ez!
- Eta adin desberdiņetako ikasliak zeundeten klase berdiņian?
- Bai.
- Bai, danak batera, ezta?
- Danak batera.
- Herriko danak ezagutuko ziņaten, ordun.
- Bai, bai.
- Ta neskak ta mutillak batera.
- Orduan, gaiņera, Idiazabal oso txikixa zan. Orduan nik ez dakit zenbat eukiko zittuan, e? Ze? Milla habitanteik ez zittun eukiko. Oain ya asko hasitta dao, baiņa... oso-oso herri txikixa zan. Keba, bostehun baldin bazeukazen... Baserrixa zan, kalian ez zeon ezer ere.
- Neskak eta mutillak danak batera, ezta?
- Bai, danak batera.

Proiektua: Elgoibartarren esanetan
Kodifikazioa: Aintzane Agirrebeņa (Badihardugu Euskara Elkartea)
Transkripzioa: Estitxu Irisarri
Copyright: Elgoibarko udala