Floren Leiaristi

(Elgoibar, 1928/05/18)

Sansongua baserrian jaio zen 1928an, baina 6 urte inguru zituela Kamiñerokora joan ziren bizitzera. Ama Sansongua baserrikoa zuen eta aita Garagarzakoa. Kamiñerokoan frontoia zuten eta hortik datorkie pilotarako zaletasuna. 16 urterekin "Txitxarruan" tailerrean (Juaristi hnos.) hasi zen lanean eta han urtetan lan egin ostean beste 32 urtez Danobat enpresan lan egin zuen.

Kamiñerokoko frontoia eta erromeria

Laburpena: Kamiñeroko frontoia estalia zen eta partidu asko jokatzen ziren bertan. Elgoibarko pelotarien izenak. Florenen anaiak ere jokatzen zuen. Erromeria ere egiten zen bertan eta Florenen aitak eta Pedro Gelatxoren aitak jotzen zuten soinua. Soinujolearena lan gogorra zela eta, aitak ez zien afiziorik sartu semeei.

• Gizartea » Herri antolaketa » Eraikuntzak eta Azpiegiturak
• Kultura, Kirola, Jaiak » Kirola » Pilota
• Kultura, Kirola, Jaiak » Jaiak » Erromeriak

- Eta hango frontoia ze izaten zan hamen plazako frontoia bezela?
- Iguala, iguala, kubiertua izetia. Oso frontoi politta ta hor partiduak eta lehenao jokatzen zian praka zurixekin ta profesionalak jokatzen zeben. Ta hamen Elgoibarren saso(e) baten zian e... ze esango dizut ba nik? Artaso ta Fermin ta gure anaixa ere pelotaixa zan ta hola jaixetan-ta hor ipintzen zittuen hor partiduak ta hor jokatzen zian.
- Demaseko girua egongo zan, ez?
- Bai, bai, anbientia, anbientia. Erromeixia ere ezaututa nao. Gelatxo soiñujolia, Gelatxo oin Pedro dao hamen, horren aitta eta nere aitta joten zeben soiñua hor. Soiñujolia zan nere aitta ere.
- A baitta, e?
- Bai. Ta ni ezaututa nao mutil koskorra ta hor kriston erromerixia, frontoia bete-bete jente egoten zan han dantzan. Jesus! Kamiñerokuan.
- Ta ez zendun ikasi zuk soiñua jotzen?
- Ez.
- Ez, honek ez.
- Iñok ere ez.
- Eta beste anaixak be ez.
- Ezta! Zaharrenak pixka-pixkat, baiña hartu ere ez bestek, e! Guk iñok ere ez, hartu ere ez afiziorik. Ta aittak sekula eman ere ez, zertzeko, haizerik eman ere ez. Harek esaten zaban "Soiñujoliari badakizu ze pasatzen jakon?" "Zer?" ta "Danak aindu ta beti lanian ta beste guztiak erromerixan ta hi lanian beti, soiñujolia beti lanian" esaten zaban. Gure aitta zanak ez zigun ematen aurrerapenik sekula. Soiñujolia beti bera lanian ta lan nekosua da soiñua, e! Harek soiñua joten-ta ibiltzen zanian jo-ta haundi-haundi einda eukitzen zaban esku(mu)turra ere! Haura, nekia da soiñua!
- Gero lehengo, ez zian izeten... oingo modernuak dia zeak, baiña hola "antes" hola lotu hamendik eta... Oso diferentia.
- Oin, gaur egunian, ba adelanto haundixak daure eta aurrian euren mahaitxua, soiñua ipini gaiñian-ta ta fazilidade haundixakin joten debe gaur, baiña lehen ez.

Proiektua: Elgoibarko euskara
Kodifikazioa: Aintzane Agirrebeña (Badihardugu Euskara Elkartea)
Transkripzioa: Estitxu Irisarri
Copyright: Elgoibarko udala