Ventura Agirregomezkorta Ibarluzea

(Elgoibar, 1916/07/14 - 2005/06/27)

Sigmako Aitz-Bizkar Behekoa baserrian jaio zen. 9 anai-arrebaren artean bigarrena, baserriko lanak egiten laguntzen eman zuen haurtzaroa, eta 17 urterekin Olasarte baserrira zerbitzera joan zen. 18 hilabete bertan pasa ondoren, Eibarko alkate zenaren, Orbearen, etxean aritu zen lanean. Venturak berak esandakoari eutsiz, "Gerria hasi zanian Orbeatarrak beldurrez ibili ziren, señoritoa alkate karlista zan eta. Aitz-Bizkar baserrian denbora pixka eman eta gero, Orbeatarren etxera bueltatu nintzan. Baina hantxe kolpea hartu naban eta bizkarra apurtu nuen. Orduan, ama etorri zan bisitatzera eta etxera bueltatu nintzan berriro".

Olasarten eta Orbea alkatearenean zerbitzen

Laburpena: 17 urterekin Sigmako Olasartera joan zen zerbitzera. Ahizpa zebilen han lanean, baina utzi egin zuen Mobillasenean lanean hasteko. Handik etxera itzuli eta, gerra-denboran, Orbea Eibarko alkatearen etxera joan zen zerbitzera. Kolpe handia hartu eta etxera itzuli nahi zuen berak, baina etxekoandreak ondo zainduko zutela esaten zion amari.

• Ekonomia, Lana, Politika » Lanbideak » Neskameak,

- Eta han orduan esan dezu bizi izan ziñala hamazazpi urte arte. Eta gero kriada...?
- Hamazortzi.
- Hamazazpi-hemezortzi edo bueno, gutxi gorabehera. Eta gero nora jun ziñan?
- Ba, ni gero, ba, zertu ein nitzan. Lehelengo golpia hartu naban ta [segidu...]. Hirugarren egunian, etorri zan ama ta nik amari: "Ama, etxera, etxera, etxera" esaten nion. [Ta ba hau ere] bendauta nauan ba, ezta? Tetanua ta hartuta. Ta "Hau ondo zainttuko dot" señoritiak hori, "la... la señora", Gonzalez Orbea, ezta? Alkatia zan Orbea hori.
- Orduan alkatia zauan Orbea?
- Orbea. Bai, orduantxe gerra-denporia, gerra-denporan, gerria hasi zanian. Ta señoria ba Andikaotarra zan, hamentxe elgoibarkotarra zan, baiña Orbeak aberatsak zien ta fabrika haundixak, entzutia eukiko dozue Beistegi aldamenian ta. Ta bueno.
- Baiña zu hamazazpi urterekin jausi ziñan?
- Ni ez, hogeta... hogeta birekin.
- Bai, baiña hamazazpikin esan dezu erten zendula baserrittikan eta nora jun ziñan?
- Estreiñeko nere ahizta egon zan tokixan.
- Baiña nora jun ziñan zure baserrittikan?
- Olasarte, Olasarte. Sigman.
- Olasarte zer da?
- Nere ahizta han egon zan ta beste bat topau arte... Bera sartu zan zerian, "donde..." jesus! Oin [akordauko dot?] Bergaran "donde Mobillas". Nere ahizta egon zan hor Olasarten hiru urte ta erdixan egon zan. Ta gero sartu zan zerian, "Mobillas de Bergara".
- Ta orduantxe zu sartu ziñan, ezta?
- Ni hor egon nitzan, bai, hor egon nitzan, baiña beste bat topau arte egon nitzan ta gero etxera, eta gero, handikan Orbeanera sartu nitzan. Ta Orbeanian ere bagaozela gerria urten zan ta... noiz zan? "El día dieciocho de julio".
- Bai.
- "De julio".
- "De mil novecientas..."
- "Treinta y seis".
- Bai, urten zan.

Proiektua: Elgoibartarren esanetan
Kodifikazioa: Aintzane Agirrebeña (Badihardugu Euskara Elkartea)
Transkripzioa: Estitxu Irisarri
Copyright: Elgoibarko udala