Edurne Ostolaza Larrinaga "Arotzanekua"

(Ermua, 1934/08/23)

Biografia

Ermuan jaiotakoa da 1934an. Jose Mari Ostolaza arrasatearrak eta Emilia Larrinaga mallabitarrak Ermura ezkonduta izan zituzten bi alabetatik bera izan zen nagusiena. Mallabiko kaminuan, gaur Zeharkalen, aroztegi-zerratoki bat martxan zutela 36ko gerrateak irten eta bertan behera laga behar izan zuten dena. 1937ko apirileko 26an, familia osoa Ermutik iheska zihoala, Munitibarreko bonbardaketak bete-betean harrapatu zituen, zubi baten azpian babes bila sartuta zeudela. Bonbetako baten ondorioz aita, ama eta Julene 15 hilabeteko alaba txikia hil ziren. Edurne bizirik atera bazen ere, gerrateak utzitako arrastoek zeharo eragin diote bizitzan zehar. Metrailak ahoan eta aurpegian lagatako zauriak saniatzeko hiru operazio egindakoa da: 19 urterekin lehenengoa eta ezkondu ostean beste biak, bigarrena kasualitatez Franco hil zen egunean. Mallabiko Gerea auzoko "Barrenengua" baserrian bizi izan zen 12 urtera arte eta ondoren Ermura etorri zen; harrez geroztik hantxe bizi da. Bertara ezkondu zen 1960an Ezekiel Zenikazelaiarekin eta hiru seme-alaben ama da. "Drogetenitturri" Ermua eta Mallabiko aldizkariaren 138 zkian., 2006ko iraileko alean, gerrateko testigantzen artikulu bilduma txiki baten argitaratu ziren bere bizikizunak .

Zintak

Pasarteak

Hizlari honen zintak aztertu gabe daude oraindik. Ezin da pasarterik kontsultatu.
Laguntzerik nahi?