Kepa Artetxe Atutxa

Gurasoak arratiarrak zituen arren, Galdakaoko Elexalde auzoan jaio zen Kepa, Artekoetxe baserrian. Neba-arreba bi izan dira etxean, bera gazteena. Umetatik eduki du dantzarako zaletasuna eta horregatik, herriko lagun batzuekin batera, Galdakaoko Andra Mari dantza-taldea sortu zuten gazteak zirenean. Ordutik, Bizkaiko dantzak jasotzeari eta zabaltzeari ekin dio. Lanbidez ajustadore izan da Kepa; lehenengo Basconian, Edesan ondoren eta azkenik Praderan. Batez ere, Elexalde auzoko bizimoduaz eta giroaz egin genuen berba berarekin egon ginenean eta Andra Mari dantza-taldeaz eta euskal dantzez ere luze ibili ginen.