Florencio Sarasua Zabala "Txikito Mallabia"
(Mallabia, 1926/06/06)
Biografia
Mallabiko "Torre" baserrian jaio zen 1926an. Vicenta ama zen bertakoa eta Francisco aitte Ziortza-Bolibartik bertara ezkondutakoa. 8 anai-arreba izan ziren eta "Artixeko" eskolara joan zen, harik eta koskondu arte. Indar handiko gizon gihartsua izanda, laster hasi zen harri eta karga jasotze erakustaldiak egiten inguruko jai eta erromeria egunetan. "Basarri" bertsolariak, "La Voz de Espaņa"n idazten zuela, "El peque de Mallabia" izena jarri zion eta harrezkeroztik halan deitu izan diote. Oraindik gainditu gabe dagoen errekor bat berea da: 62 kiloko pixuakin, bere bikoitza zuen 125 kiloko harri zilindrikoari 98 altxaldi ematea, 10 minutuko 3 txandatan bananduta. Erretiratu ostean, indartsu ikusten zela oraindik eta 44 urte beteak berriro irten zen plazara; Ermuan plazaratu zen azken aldiz, 62 urterekin. Ermua eta Mallabiko Drogetenitturri herri aldizkarian, 2006ko ekainaren 136 zkian., berari egindako elkarrizketa bat dago irakurgai.
Zintak
| # | Kodea | Data | Iraupena | Proiektua |
|---|---|---|---|---|
| 1. | MAL-047 | 2008 | 85 | Ermuko Ahozko Ondarea |
Pasarteak
Hizlari honen zintak aztertu gabe daude oraindik. Ezin da pasarterik kontsultatu.
Laguntzerik nahi?