Joxe Luix Irastortza Mitxelena
(Oiartzun, 1917/07/26)
Biografia
Iturriozko Larrazabal baserrian jaio eta hazia da Joxe Luix. Baserri honek Oiartzungo kalea baino gertuago ditu Goizueta eta Arano. Ez da harritzekoa, beraz, Larrazabaltarrak aieka hartarako joera izatea. Andregaia ere Aranokoa egin zuen; Gregoria. Hala ere, bai aieka batera bai bestera, oinez asko ibili behar izaten zuten; eskerrak Joxe Luixek beti gustukoa izan duen oinez ibiltzea. Erretiratu eta gero ere makina bat sari jaso izan ditu ibilaldietan. Hori bai, orain bihotza dauka nekatua. Hasieran baserrirako izaki, beste senideek baino eskola gutxiago izan zuen, baina gerran zauritu ondoren lanean hasi zen eta han nabaritu zuen eskola falta. Hala ere, beharrarekin ikasi izan du eta jubilatuen etxean ere 20 urte baino gehiago aritu da bertako kudeaketa lanak egiten.
Zintak
| # | Kodea | Data | Iraupena | Proiektua |
|---|---|---|---|---|
| 1. | OIA-077 | 2008 | 62 | Oiartzuarren baitan |
| 2. | OIA-078 | 2008 | 57 | Oiartzuarren baitan |
