Sondika

Bizkaiko erdialdean dagoen udalerria da, Txorierriko eskualdearen bigarren populatuena Derio ondoren. Hainbat urtez udalerrian egon da Bilboko aireportuaren terminala, 1997an hau Loiura lekualdatu arte. Basozabal da herrigune nagusia. Udalerri mugakide hauexek ditu: Iparraldean Loiu, hegoaldean Bilbo, ekialdean Derio eta mendebaldean Erandio. 1966tik 1982ra Bilborekin lotuta egon zen. Sondikatarren jatorrizko hizkera mendebaleko euskararen aldaera da. Gaur egun, biztanleen heren bat inguru euskal hiztuna da.