Gregori Argarate

(Soraluze, 1916/08/25)

1916ko abuztuaren 25ean jaio zen, Harkaitz baserrian (Soraluze). Errege etxean zegoen eskola nazionalean egin zituen ikasketak eta doktrina ikasteko, berriz, eskola partikularretara joan zen. Lana egin zuen Algodonera Artetxe e Hijos fabrikan (Osintxun) eta Lesarri baserrian. Geroztik Soraluzen bizi izan da. Alfontso Zangituren emaztea. Biak batera elkarrizketatu genituen.

Alfonso Zangitu

(Soraluze, 1912/01/23)

Osintxun (Txuringon) jaio zen, 1912ko urtarrilaren 23an. Osintxuko eskolara joan zen eta Bergarako seminarioan doktrina ikasi zuen. 10 urte zituela Pagolara bidali zuten, kriado. Urte askoan soinu txikia jo zuen erromerietan. Lana, berriz, egin zuen: Lesarrin, Hermanos alberdin eta gerra ostean, Sacian (Soraluzen). Gregori Argarateren senarra, biak batera elkarrizketatu genituen.

Esaera zaharra

Laburpena: "Goiz oskorri, arrats itturri".

• Gizartea » Kantak eta kontakizunak » Esaldi indartsuak

- Aindua bat eta emona bi, ainduakin kontentau hari. Goiz oskorri..., oskorri badakizu ze dan?
- Ez.
- Egoten dia, ba, hor, goixan... ze sasoittan egoten dia horrek? Laiñu gorrixok, ez dakizu? Oskorri-oskorri zerua. Horreri esaten jakue oskorrixak, guk. Ta horrek goixian, hola, oskorrixak darenian, arratsaldian eurixa izeten da. Goiz oskorri, arrats itturri.

Proiektua: Soraluzeko euskara eta ahozko ondarea
Kodifikazioa: Itziar Alberdi (Badihardugu Euskara Elkartea)
Transkripzioa: Aintzane Agirrebeña (Badihardugu Euskara Elkartea)
Copyright: Soraluzeko Udala