Gregori Argarate

(Soraluze, 1916/08/25)

1916ko abuztuaren 25ean jaio zen, Harkaitz baserrian (Soraluze). Errege etxean zegoen eskola nazionalean egin zituen ikasketak eta doktrina ikasteko, berriz, eskola partikularretara joan zen. Lana egin zuen Algodonera Artetxe e Hijos fabrikan (Osintxun) eta Lesarri baserrian. Geroztik Soraluzen bizi izan da. Alfontso Zangituren emaztea. Biak batera elkarrizketatu genituen.

Alfonso Zangitu

(Soraluze, 1912/01/23)

Osintxun (Txuringon) jaio zen, 1912ko urtarrilaren 23an. Osintxuko eskolara joan zen eta Bergarako seminarioan doktrina ikasi zuen. 10 urte zituela Pagolara bidali zuten, kriado. Urte askoan soinu txikia jo zuen erromerietan. Lana, berriz, egin zuen: Lesarrin, Hermanos alberdin eta gerra ostean, Sacian (Soraluzen). Gregori Argarateren senarra, biak batera elkarrizketatu genituen.

Osintxuko errekan arrantzan

Hizlariak: Gregori Argarate , Alfonso Zangitu
Herria: Soraluze
Elkarrizketatzailea(k): Egoitz Unamuno
Data: 2001
Iraupena: 01:00:00
Erref: SOR-006/027

Laburpena: Errekan arrantzan. "Uragorra" (ur-agorra), errekan ur gutxi zegoenean. Zer arrantzatzen zuten. Eibartik eta Plazentziatik Osintxura joateko ohitura handia.

Gaia(k):

Kultura, Kirola, Jaiak » Mendia eta hondartza » Arrantza eta ehiza

- Ointxe sasoian harrapatzen zian ur-agorra zela egoten dan. Ur-agorra badakizu ze dan? Ba, ur gitxi dauan denporia.
- Ur gutxi daonian, agorra.
- Ur-agorra esaten jakon horri.
- Ur-agorra esaten jako?
- Ur agorra, gutxi zela egoten zan... Ba, askokin ezin leike ein, baiña hor Irukurutzetako rebueltan-ta zela ikusi eitten zian. Oin ez baiña... Barbuak eta loiñak eta... Bota haura ta...
- Loiña [...] eta zenbat [ibiltzen zian], [loiña... eta be] asko. Osintxun asko [itten] zan, [horrekin itten] zian. Kuadrillak igual Eibartik eta Plazentziatik be bai. Hamen baiño esparbelakin eitteko han leku gehixao.
- Ta Aste Santuan Osintxura, eguen santu egunian, eskallu... edo... eskalluak, ostera nik antxoak jatera Plaentziatikan jentia kamiñua betian. Bijilixia, badakizu.
- Barixaku santutan...
- Barixaku santu... eguen santu izango zan juaten zianak. Baiña Plaentziatik jente asko, e! Oin kofradixetako moduan Osintxura juaten zan trenbidetik jentia ta kamiñotik umiak eta danak hartuta.

Proiektua: Soraluzeko euskara eta ahozko ondarea
Kodifikazioa: Itziar Alberdi (Badihardugu Euskara Elkartea)
Transkripzioa: Aintzane Agirrebeña (Badihardugu Euskara Elkartea)
Copyright: Soraluzeko Udala