Pastora Iraola Larrañaga

(Soraluze, 1916/04/18)

Soraluzeko erdiguneko Lacuestaneko etxean jaio zen "Errotatxoneko" Pastora edo Pastora "Otola". Amak elkartea eta janari denda zituen etxearen azpian, baina berak ez zituen ezagutu. Gerra etorri zenean, Azkoitian zegoen, bere izebaren etxean josten ikasten. Etxeratzeko ordena jaso zuen, gaixoak zituelako etxean, eta soldaduek lagunduta joan zen mendiz. Harrezkero etxekoen kargua hartu zuen eta urtetan gaseosa egiten eta saltzen jardun zuen.

Tabernaz taberna joaten zen limonada kajak banatzera

Laburpena: Hasieran arazoak izan zituzten: gaseosa betetzen hasten ziren, baina gora egitean esplotatu egiten zien. Horregatik botilak erdi-beteta uzten zituzten. Kajetan sartu eta tabernetara banatzen zituen. Duroa kobratzen zuen eta harekin lau lagun mantentzen zituen.

• Ekonomia, Lana, Politika » Ekonomia » Emakumeak, umeak lan-munduan
• Ekonomia, Lana, Politika » Ekonomia » Orokorra
• Ekonomia, Lana, Politika » Industria » Soraluzeko industria eta lantegiak

- Eta bueno, ba, gaseosak eitten hasten giñan ta betetzen genduzen bastante, baiña ixotzen zebanian, punba! ta errebentatzen zoskun han, bustitzen nintzan, bera be bai igual... Ta dana... Zuluetatik urtetzen eben, ur guztia limonadiana, zeaittik eze materixalakin preparatzen genduzen botilla guztiak, ezta, bere tamaiñora arte. Gero horixe zeguan bakarrikan. Ipiñi han, urari bestia, bonbia... ura martxan ipiñi, ta hartu ta ipiñi. Ta hartu ta bueltia hartzen zebanian, ya bete, itxitta eguan. Baiña gero, ze pasatzen zan? Ba, guk zela ez zekiun gatzana, ba, haura ixo ta ixo, seis y mediuan egon bihar zana beti, ixo ta ixo hasten zanian, ba botillak ipiñi ta punba! Ta tiros y tiros y tiros! Eneee...! Erdi-betia. Ta erdi-betia esaten genduan eze, Ene! berak, Markosek esaten ostan: Danak eraten jittune oin, oin danak. Erdixa be ondo daon, erdi-betia be. Igual-igual. Bueno, benga kajia, jaso deigun. Han harri zatar bat eguan ura pasatzen zan [Coronan] han behian ta han pasatzen ta kaja astun-astun urez betetakuak. Eta nere amantal ta [guztirikan] ala! Gilanera. Durua. O! Grandia zan orduan durua. Ala, durua, benga! Hurrengo, erreka aldian Tintorekua, Anjelenekua... Kantua be badao, ba? Zera, kantua...
- Bai, lehengunian hasi ziñan kantatzen.
- Hori. Hori kantuori. Ba, horrek taberna guztiorrek, e? Ba, danetara txandaka eruaten neban nik kajak. Durua hartu, ta lau lagun mantentzeko. Hiru inutillak, hiru gaixuak. Eta neu eittekorikan etxe zahar haundi hartan. E? Bildurrez. Goittik beheraiño animarik be ez! Animarik be ez.

Proiektua: Deba Eskualdeko Ahotsak - Soraluze.
Kodifikazioa: Aintzane Agirrebeña (Badihardugu Euskara Elkartea)
Transkripzioa: Aintzane Agirrebeña (Badihardugu Euskara Elkartea)
Copyright: Soraluzeko Udala