Jesus Mari Olaizola Lazkano "Txiliku"

(Zarautz, 1951/04/15)

Idazlea. Batez ere haur literatura landu du. Zarauzko euskara jaso eta erabili izan du bere zenbait ipuinetan. Baserriko semea, eta etnografian zaletua, ondo ezagutzen ditu gai horiek.

Zarauzko euskara, Getariakoa eta Oriokoa

Laburpena: Orioko euskara eta Getariakoa, zein hurbilago? Elementu gutxi batzuekin egiten dugu alderaketa, eta ez da erraza esatea zein dagoen hurbilago Zarauzko hizkeratik. Getariarekin alde handiena doinuan dago. Zarautzen ere "kantatzen" hitzegiten da, baina Getarian askoz gehiago, doinu bereziagoa dute.

- Ni pixkat harritu nauena da, e, badirudi hartueman haundiagoa izan dala Getariyakin Oriyokin, Oriyokin baiño. Eta gaiñera, Oriyora juteko mendi bat igo behar da, eta gero erreka igaro, eta... Eta ostera, jende guztiak esaten du Oriyokin euskera oso antzekua dala eta Getariyakin ezetz.
- Bai, Oriokin askozez errexago da... Bueno, ez dakit zenbateaiño dan hori ere egia, e. Askotan hartzen diran elementuak izaten dira oso txikiak, eta ez dakit benetan hori egia dan, eta azterketa bat egingo bagendu hor, zenbateaiño dan oso desberdiña, ez dakit [...].
- Ta beharbada Getariyakin hiru laburdura eta lexikoko bi kontu dira desberdintzen dianak...
- Ez dago holako zerarik. Baiño bai. Gehiago, nik uste det kostalde guztian badago entonazioaren halako zera bat, ezta? E... kantatzen... bueno, ez dakit. Esaten dute kostaldeko jendeak kantatu egiten degula gehiago euskera zeatzerakoan. Eta hor nik uste det bai badagola diferentzi haundiago Oriyo, Oriyora gehiago hurbiltzen geala Getaiarrak duten doiñu hori baiño, e. Beak erabiltzen duten doiñu hori baiño, hurbillago iten zaigu Oriokoa, e.
- Beharbada gero barreneko morfolojian [...]
- Bai, ez det uste... Ez, ez det uste, ez det uste diferentzi haundirikan eongo litzakela.

Proiektua: Zarauzko euskara eta ahozko ondarea
Kodifikazioa: Asier Sarasua
Transkripzioa: Miren Zabaleta
Copyright: Zarauzko udala