Bartolo Etxabe Oliden

(Zumaia, 1928/12/08)

Oikiako (Zumaia) Lore baserrian jaioa. Ondoren, baserriaren gainean etxe berria eraiki zuten eta hantxe bizi izan da beti. Aitaren familia bertakoa zuen, eta amarena Oikiako Jesuskoa baserrikoa. Gazte-gaztea zela izan zuen lehenengo autoa (Oikiako lehenbizikoa), eta harrezkero gidari lanetan aritu izan da, furgonetak eta autobusak izan ditu. Hasieran, batez ere, baserritarrak eta esnea Zumaiara eramaten; ondoren, Oikiako lantegietako jendea ekarri eta eramaten.

Oikiako eta inguruetako erromeriak

Hizlaria: Bartolo Etxabe Oliden
Herria: Zumaia
Elkarrizketatzailea(k): Asier Sarasua Aranberri
Data: 2007/06/25
Iraupena: 03:25:00
Erref: ZUM-010/020

Laburpena: Oikia herri txiki baten antzekoa zen. San Bartolome da herriko patroia eta jaiak izaten ziren San Bartolomeetatik San Migelak arte. Oikiako erromeriak ezagunak ziren eta inguruetako jende asko etortzen zen. Gaztetako denborapasa inguruko erromerietara joatea izaten zen. Festaleku berezia zen Aizarnazabalgo "Txiua" (Txiriboga); bide erdian egiten zen erromeria. Meagako erromeria ere inportantea zen, baina beranduago hasitakoa. Barrentzo soinujolea.

• Kultura, Kirola, Jaiak » Jaiak » Erromeriak
• Kultura, Kirola, Jaiak » Jaiak » Herriko jaiak

- Eta zuen gazte denporan eta, Oikiya gaiñera nahiko... Zumaia da, baiña herri txiki bat bezalakua da, ez?
- Bai, bai, bai.
- Oikiya beti, zuentzako oikiarrak...
- Oikiya beti, Oikiya hola barriyo popular xamarra izan dek beti, zea, bere... bastante... Beste eozein barriyok baiño zea gehio zakan.
- Bai, ez?
- Bai.
- Iya-iya, herri... herri-koxkor bat, ez?
- Herri-koxkor bat, bai. Kao, aiuntamientoik ta hoiek, gauza hoiek ez zazkan, baiña festetan-ta ta... diferentia. Hamen Oikiyan San Bartolometan itten dittuk festak, bertoko patroia San Bartolome dek. Ta San Migel arte itten dittuk hor jaiero erromeia.
- San Migel?
- Oikiyan.
- Oikiyan?
- Bai. San Migeletan. Geo San Migelak ta ya ordun bukatzen huan Oikiyako festak. Bestela, jaiero-jaiero ta.
- San Bartolometatik...
- San Migelak arte.
- San Migelak arte. Ta jendia, erromei popularra huan. Honea jendia etortzen huan pues alde guztittatikan, ingurutako baserri danetatik.
- Aizarnazabal ta...
- Bai, bai, bai.
- Elkano ta Mia ta...
- Bai, bai, bai. Danetatik.
-Ta ze izaten zan erromeia? Dantzan?
- Soiñujotzaille bat ta zea, azkenaldea [jazz banda] o esaten zakon hoi, hiru-lau platillo ta ti-ta-ta-ta-ta, zeoze kanbiyatzen ziyen soiñua ta, [...]. Baiña jendia etortzen huan barra-barra.
- Eta bestela, gaztetan, zuen denpora pasatzeko modua zeiñ izaten zan jaiegunetan eta?
- Hoixe! Erromeia zeon lekura jun in behar! Bertan ez bazeon, pues, beste, beste leku batea. Ordun, festak zian lekun itten hittuan. [...] herrittan zanian, [...] herrittan festa espeziala huan, jendia juten huan...
- Bai, e?
- Lepo juten huan. Ta en kanbio, San Migeletan zanian, Aizarnazabalen eo, San Migelen eo... Hau ta hor... Geo, festa-leku espezialak ta zeak zaben ordun, zean, Aizarbazabalen. [...] o [...]...
- Bai...
- ...esaten zakon. Hane igual ingo huan dozena erdi bat jaittan zea, erromeia.
- Erromeia? Han, kamiyuan.
- Kamiyuan bertan.
- Bai, bai, karreteran.
- [...] bidegurutzian.
- Miane karreteran itten huan erromeia leheno.
- Bai?
- Bai, bai, bai.
- Miakua gaiñea inportantia izaten zan, ez?
- Bai, bai, bai. Mian San Isidruak hittun, baiña hori gero hasitakua huan, pixkat gu koskortu ezkeo. Baiña erromeia, gu txikiyak giñan arte, barruan iten huan. Barrentzo soiñujotzailliak jotzen zin soiñua, soiñu zahar batekin, pon-pon-pon-pon, [...] dantzan ta.

Proiektua: Zumaiako hizkera
Kodifikazioa: Aintzane Agirrebeña
Transkripzioa: Miren Zabaleta
Copyright: Zumaiako udala