Brigida Ibarbia Ugarte

(Zumaia, 1935/04/07)

Oikiako Pikaondo baserrian jaioa, Oikiako plazan bertan. Gurasoak ere bertakoak zituen (aita Pikaondokoa, ama Epeolabehekoa). Hamalau urtera arte Oikiako eskolan ikasi zuen, eta ondoren, beste urtebetez, Zumaian. Josten ere ikasi zuen. Bere zaletasunik handienak, jostea eta baratza izan dira, eta baratzeko kontuak oso ondo ezagutzen ditu; baita Oikiako gainontzeko kontuak: jaiak, ibaiaren ingurukoak, erropa-garbiketak, eta abar. Bera eta bere familia (ahizpak eta gurasoak) Oikiako elizako serore edo zaindari izan dira hainbat urtez. Hogetasei urterekin ezkondu zen Zumaiara, eta hantxe bizi da harrezkero.

Pazkoetan ur-bedeinkatua eta su-berria

Hizlaria: Brigida Ibarbia Ugarte
Herria: Zumaia
Elkarrizketatzailea(k): Asier Sarasua Aranberri
Data: 2007/05/29
Iraupena: 02:45:00
Erref: ZUM-006/017

Laburpena: Pazkoetan ura bedeinkatzen zen eta su-berria ere egiten zen. Aita sakristaua zen eta "zimitayoan" (elizpean) su-berria pizten zuten ahal zen bezala (orduko harridun txiskeroekin). Hurrengo egunean akolitoak etxez etxe su-berria banatzen ibiltzen ziren "ieskarekin" (zuhaitz ipurdietan egoten den perretxiko zabala). Su-berri hori beheko sutara edo ekonomikara botatzen zen etxean.

• Gizartea » Erlijioa » Ospakizunak eta beste
• Baserria » Ohiturak » Ohiturak, sinesmenak

Transkribatu gabe dago pasarte hau. Lagundu nahi al duzu?

Proiektua: Zumaiako hizkera
Kodifikazioa:
Transkripzioa:
Copyright: Zumaiako udala