Trini Bidasoro Blasco

(Zumaia, 1920/11/05 - 2008/06/27)

Zumaiako San Telmo kalean jaio eta bertan bizi izan da bizi guztian. Aita zumaiarra zuen; ama donostiarra. Bere aittittak, Trino Bidasorok, itsasoko ura erabiliz bainu-etxea jarri zuen Zumaiako hondartzan. Hiru belaunaldiz izan zuen Bidasoro familiak ("Triñotarrak") bainu-etxea Itzurungo hondartzan. Itsasoko ura hartu, berotu eta erreuma sendatzeko bainuak ematen zituzten.

"Triñoneko" bainu beroak itsasoko ur beroarekin (II)

Hizlaria: Trini Bidasoro Blasco
Herria: Zumaia
Elkarrizketatzailea(k): Asier Sarasua Aranberri
Data: 2008/01/30
Iraupena: 00:00:00
Erref: ZUM-021/008

Laburpena: Bere aittaittak jarri zuen negozioa, Trino Bidasorok, eta ondoren aitak jarraitu zuen, Joakin Bidasorok. Garai batean ospe handia izan zuen; jende asko etortzen zen. Azpeitia inguruko jendea eta baita kanpotarrak ere, Zestoako balneariora etortzen zirenak. Udan bakarrik izaten zen.

• Gizartea » Osasuna » Orokorra
• Kultura, Kirola, Jaiak » Mendia eta hondartza » Hondartzara

- Noiz jarri zuen zure gurasuak?
- Hura?
- Bai.
- Jaungoikuak daki! Nik ezautu nun...
- Zuk txikitatik? Ume-umetatik?
- Nik, nik, han ezautu nun, han, nere aitta. Ta aittaittare bai.
- Aittaittare bai?
- Aittaittare.
- Orduan, ez da, aittak jarritakua ez da?
- Ez. Aittaittak, aittaittak.
- Aittaittak jarritakua. Nola zun izena aittaittak?
- Aittaittak? Nola zun izena? Nere aittak Joakin Bidasoro. Trino Bidasoro.
- Trino Bidasoro. Eta berak jarritakua zan, orduan, baiñuak?
- Bai. Bai.
- Eta nolatan jarri zun hori? Nola okurritu zitzaion?
- Honbre! Hori nola okurritu, nik nola jakingo det, ba, hori, ba, hark buruan hori jartzia?
- Baiña esan dezu jende asko etortzen zala?
- Asko. Guk baiño asko ematen gendun.
- Eta gehixenbat zer zan, kanpoko jendia? Turistak? O, bertako jendiare bai?
- Azkoitikuak ta Azpeitikuak ta Zestuakuak eta hemen eon hituan... Honea jende asko etortzen zan! Oiñ ez dakit nola daon...
- Oaine bai, baiña...
- Gehidxo ez det nahi sartu hondartzan ta...
- Eta kanpotike bai? Madrid...
- Baita, bai, bai, bai, bai. Madrideko jendia etortzen zan, ba, jeneralian, ba, itxiak hartuta edo, pisuak hartuta edo. Ta geo, bitartez, aprobetxatu iten zuen.
- Eta baiñuen hau zer zan, tenporadako, udarako...?
- Udako bakarrik.
- Udakua. Bai.
- Noiz hasten zuen?
- Hiru hillabete.
- Hiru hillabete.
- Hiru hillabete.
- San Pedro...
- Bai. Udaan hasitzen giñan, ta geo, ba ya, udazkeneako kito. Setienbrian hasierako, kito.
- Eta esan dezu, sei gela ta sei bañera?
- Sei bañera, bai. Baiñera haundidxak, e! Ta haidxek garbitu in behar zian!
- Bai.

Proiektua: Zumaiako hizkera
Kodifikazioa: Aintzane Agirrebeña
Transkripzioa: Miren Zabaleta
Copyright: Zumaiako udala