Benito Etxabe Etxabe

(Zumaia, 1928/03/20)

Artadi auzoko Gorostiagaundi baserrian jaio zen eta bertan bizi izan da beti. Emaztea ere auzune berekoa du. Baserriko lanetan aritu izan da. Umea zela, Artadi auzoan organojolea behar zenez, auzoko baserritar guztien artean musika-eskolak ordaindu zizkioten. Musika eta organoa jotzen ikasi zuen Artadi auzoko elizan eta Zumaiako irakasle batekin. Lehenengo irakaslea Nemesio Etxaniz izan zuen. Bera izan da Artadi auzoko organojolea 60 urtez. Oikian eta Urdanetan ere jo izan du. Angulak harrapatzen ere nabarmendu da.

San Migelerako bidea Foru Aldundiak eta handik beherakoa baserritarrek egina

Hizlaria: Benito Etxabe Etxabe
Herria: Zumaia
Elkarrizketatzailea(k): Asier Sarasua Aranberri
Data: 2007/11/02
Iraupena: 05:15:00
Erref: ZUM-012/019

Laburpena: Gorostiaga baserri ingurutik Zumaiara joateko bidea. Behekaldeko baserrietakoak, marea behean zegoenean, harraldetik bueltan joaten ziren Zumaiara edo bestela Beduatik txanalean pasa behar. Beraiek San Migelera igo behar izaten zuten. San Migelera bidea nolakoa zen lehen. Garai hartan zegoen apaizak bultzatuta Foru Aldundiak egin zuen San Migelerainoko bidea eta beraiek, 6 baserritarren artean, handik beherakoa egin zuten. Nola egin zuten bidea. Mendi-bideak auzolanean konpontzen ziren lehenago eta udalak merienda ematen zien lanean aritu zirenei.

Gaia(k):

Gizartea » Herri antolaketa » Bideak
Baserria » Gizartea » Baserri-auzoak eta auzolana

Transkribatu gabe dago pasarte hau. Lagundu nahi al duzu?

Proiektua: Zumaiako hizkera
Kodifikazioa: Aintzane Agirrebeña
Transkripzioa:
Copyright: Zumaiako udala