Julen Madariaga, mihinpekorik gabe
2014ko eka. 2a, 11:41
Duela gutxi argitaratu du Julen Madariagak Egiari zor liburua Erein argitaletxearekin. Liburu autobiografikoa. 2013ko udan Ahotsak-ek ia bost orduko elkarrizketa egin zion Ainhoako bere etxean.
Ohi duenez, mihinpekorik gabe mintzatu zen Madariaga. Haurtzaroa, Bilbo setiatutik ihesa, Txileko urteak, itzulera, gerra osteko urte tristeak, ikasketak... Ekin eta ETAren sorrera, klandestinitatea, borroka armatua, torturak, gose grebak, lehen Aberri Eguna... Aro historiko oso inportante baten protagonista izan den pertsona eta pertsonaia baten bizipenak.
Gerra garaian, 1937ko martxoan, itsasontziz Iparraldera ebakuatu zuten amarekin eta neba-arrebekin batera.
16-17 urte zituela, Txillardegi ezagutu zuen Julenek txiripaz Donostian. Nork erran lau edo bost urte geroago Ekin eta ETA bezalako erakundeak sortuko zituztenik?
1952-53 aldera sortu zen EKIN. Tartean ziren Benito del Valle, Alfonso Irigoien, Txillardegi, Jose Manuel Agirre, Barandiaran...
1959an ETAren sorreran hartu zuen parte. Belloc-eko Monastegian (Bastida) egin zen lehen Asanblada, 1962an. Dozena bat lagun bildu ziren han.
Julen Madariagaren bideo gehiago ikusteko, egin klik hemen.
Iruzkindu
Erantzuna emateko, sartu ahotsak.eus-eko komunitatera.
