Zaldibarko ahotsak proiektua aurkeztu dugu
2014ko mai. 14a, 09:43
Zaldibarko Ahotsak proiektuaren aurkezpena egin genuen atzo arratsaldean. Proiektuan parte hartu dutenei eskerrak emateko ekitalditxoa izan zen: herritarrak udaletxera gonbidatu eta grabazioen kopia bana eman zieten. Ilusio handiz hartu zuten. Ekitaldirako prestatutako bideoa ere ikusgai duzue.
Atzo arratsaldean izan zen aurkezpen eta omenaldi ekitaldia, Zaldibarko udaletxean. Hantxe elkartu ziren, udaleko ordezkariak, Ahotsak.com proiektuko kideak eta Zaldibarko elkarrizketetan parte hartu duten herritar batzuk. 2013. urtean 13 herritar elkarrizketatu genituen Zaldibarren. Bertaratutakoei eskerrak eman, eta egindako lana aurkeztu genuen.
Labur-labur proiektuaren gorabeherak azaldu ondoren, Zaldibarko grabazioekin egindako laburpen-bideo bat erakutsi zen, eta proiektuan parte hartu duen lekuko bakoitzari bere elkarrizketen DVDa eta diploma txiki bat eman zitzaizkion. Ondoren, talde-argazkia atera zen.
Argazkia: Delfin Zubizarreta
Iruzkindu
Erantzuna emateko, sartu ahotsak.eus-eko komunitatera.
