Txistulariak baserriz baserri

Transkripzioa

- Uzarragan jaixak noiz izaten (di)ttozue?
- San Juanak. San Juan Bautista, ekaiña.
- Hogeta lauan?
- Hogeta laua.
- Eta zuek gaztiak ziñaiñian parranda haundixa egoten zan, edo?
- Bai, orduan haundixa. Oin hau guztia bajau da. Oin egunian bertan hor mezia eta, hurringo jaixan beste zerbat egoten da, luntx bat, eta holako zerak. Zuhaitza, arbolia sartu eta holako zerak eta itten dire, baiña bajauta, lehenago haundixa.
- Ze izaten zan zure gazte denporako jai programia-edo?
- Orduan ordutik hona zihero alderandu da. Orduan gure etxetan oin beste diru ez zeuen esku artian baiña ni akordatzen naiz goizien trena, oin geldittu dago baiña, hemendik Bergara jun eta ez zan… urte guztian legatza, zera jango zan orduan legatza. Konbidatzia esaten dana, tiuak, lehengusuak,orduan lanakin ez euen oin besteko loturarik be.
- Baitta, halaxe da.
- Eta gurian baiña jente pillia zelakua! Bazkaittera.
- San Juan egunian konbidauak.
- San Juan egunien konbidauak. Eta beste bat Santa Ageda eguna zanien, udaberrixa, amanera juten giñan. Bergarako Pazkuetan beste tio batzuk, hara. Bestien bestera. Baiña gero hor be, ba San Juan egunian danak juntauten ziren eta sekulakua itten zan bazkerixa.
- Antzuolara trenien legatza ekartera fanda.
- Legatza, eta gero urte guztien gehio ez jateko.
- Estimau be halaxe izango zan orduen holako gauzia.
- Haura eta oillaskua. Orduan zan ba, buff!
- Hori etxien, eta…
- Etxien, gero hor itten zan ba mezie. Gero apaizak, abadiak, abade bat orduan betik egoten zan hemen, Uzarragan. Beste leku askotan bezala bertan fijo.
- Gaiñera Uzarragakua parrokua izango zan.
- Bai, parrokua, bertakua, kalekuak ez aukan ze ikusirik. Ze ikusixa horixe, “Parroquias Unidas” esaten dana. Hareik bere senittarte eta lagunok, sekulako bazkerixa. Uzarragan bertan, berriz, udaletxia orduan, geure, gaiñera udaletxian egon nitzan larogeta hiruan sartuta, orduentxe geratu ziren bazkaixa urtero San Juan egunian Uzarragan. Itten zan urteko paguori, bazkerixa, seguru bazkerixa.
- Zu udaletxera faten ziñan auzuaren ordez?
- Ez, ez, botaziñotan irtenda. Baiña 83an e?
- Kontzejal?
- Kontzejal. Ba kontzejalak alkatiakin, txistularixak, aguazilla…
- San Juan egunian.
- San Juan egunian horreik danak.
- Uzarragan. Antzuolakuak ez dira San Juanetan jaixak, ezta?
- Ez, ez, horreik Trinidade eguna izaten zan dana, Antzuelakua.
- Orduan auzua, auzoko elizia moduen, hor mezia eta gero…
- Mezia, soiñu jotia, txistularixak, erromerixia, sekulako fiestia itten zan orduan, bai.
- Orduan goizian mezetara fan, gero txistularixakin bazkaldu konbidau danakin…
- Gero berriz hara bueltau. Gero beste ohittura bat euen, txistularixak hor bazkaltzen ebenien hemen goiko baserrittara behintzet, hemen lau-bost baserrittara txistularixak etorten ziren etxerik etxe.
- Errondia itten euein?
- Bai, arratsaldian kafian ordu inguru hortan etorten ziren eta bestetara, emungo gotsen kafia eta purua eta kopa bana eta bueno.
- Gustora.
- Eta beste propinatxo bat ere emuten gotsen behintzet eta. Besten batzuek be zeozer emango otsen, eta ohitturak!
- Txistularixak baserririk baserri errondia?
- Hemen goixan ba hemen bost-sei… bost bat baserrittan bai.
- Sekula entzun barik neuken ohittura hori.
- Txistularixak tanborrakin bere zerien, itten euen hareik bere zirkuitua jakiñekua hori, bai.

Egilea(k): Kepa Elortza