Ardirik ez, baina ahuntzak bazituzten

Transkripzioa

-Baserrixen idixak aparte beste ze ganau klase zeukatsuein? Behixak be bai?
-Bai, geuken behixek esnie batzeko etxerako ta, etxerako ensie batzeko, geuretako.
-Eta ardirik edo?
-Ez, ardirik eztaoz, gurien ezta sekula ardirik egon.
-Ta bihorrak bai.
-Bihorrak bai eta ahuntzek be bai.
-Ahuntzak be beti ezagutu dittuzu etxien?
-Bai, ahuntzak neuk kendu nittuen atzenengo aldiz. Udan ebalten gittun, bueno,jeneralien hemen ebalten gittun zati baten edo, gero aitxera bialketan gittun, horra, Santikurtzera. Horra bialketan gittun ta gero oin sasoi inguruen, lehentxuau, oktubrien ekarten gittun etxera ta gero, ostera negua pasaikuan, hara. Holan be ibiltten zien.
-Zenbat ahuntz eukitten zittuein?
-Ba 6-7 bat edo holako bat eukitten gittuen, ahuntzak.
-Eta horreik itten, etzittuein itten oin esaten dan moduko kalterik basuari ta?
-Ahuntzek? Igual-igual ahuntzak kaltia. Ahuntzek basuan? Bueno, bueno.
-Baiña etxe askotan egoten zien ahuntzak?
-Bai. Hor mendi dana ahuntzez beteta eoten zan ta. Askok eukitten zittuen hemen.
-Ardixak baiño gehixau, ahuntza?
-Bai, bai. Ardixek, bueno, ardixek be bastante eozen, oin baiño gehixau, e? Harrezkero auzuen… oin be badaz. Oin be hemen baukei lehenaukuak; bat hemen bertakuak, besta bat hor gorauko etxekue, ta hori ni baiño gaztiagua da baiña, hori be holakua, zuk esaten dozun modun, […] eitteko moduen horreik eukitten dittue, ardixak ondiok be horreik jarraittu eitten dauie, por jobi. Ez, bestela ba, ez baiñe 25-30 bat edo holan eukitten dittue horreik. Lehenagoko moduen pastoriek ez euen, eztauz. Pastoriek izan zien honeik bixok bai, hemen auzokuek, hortxe goixen daozen bixok.
-Zein etxetakuak?
-Bat hor Sarri edo esateotsie, han goikue.
-Zela? Sarri…
-Sarri, Sarrikua. Eta beste bat hamen beherauko etxie; neuk dauket horreik terrenuok danok honei emunda. Gero ganauok eta kendu gittuen, danoi emunda daukat.
-Eurak ondiok ardixakin jarraiketan daue?
-Bai. Ta ganauakin be bai, e? Daukie anai bin artien, eurok itten daue fabrikan itten daue lana, ta bueno, oin adelantu haundixak daz tratoriekin ta, tratorie ta erositta daukie ta harekin eitten dittu bedarrak kendu ta; hamar behi edo daukie. Baiña oin subenzionaute ta apur bat lagunketan dotsie, ez bestela dirurik izten dauelako ganauak, e? Ta hemen zelan dazen bixok sail baten danau, ba hor hiru baserrikuak edo hartuta daukei eurok, terrenuak. Eurok garbiketa alde, e? Bestela hau dana narraz jaixoten hasten da. Ta ganauak ibilli ezkero garbittu itten daue, ta gero eurok ba desbrozadoriakin edo garbiketan dittue astixa dakuenetan. Ta holan, holan manteniuten dogu hori.

Egilea(k): Kepa Elortza