Inguru guztietako jendea Meagara erromeriara

Pasarteak jarraian erreproduzitu

Hizlaria(k): Ezenarro Idiakez, Maritxu

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan GET-017-008 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Meagara joaten ziren erromeriara San Isidroetan; trikitia egoten zen eta dantza-soltean aritzen ziren. Eurak goiz etorri behar izaten ziren etxera egun argiz itzultzeko. Inguru guztietako jendea biltzen zen Meagan eta bertan egiten zuten askok afari-merienda. Musika-banda beti ezagutu du herrian.

« Aurrekoa Hurrengoa »

Proiektua: Getaria: euskara eta itsasoa
Elkarrizketatzailea(k): Asier Sarasua Aranberri
Data: 2006(e)ko azaroaren 18a
Iraupena: 0:02:22
Erref: GET-017/008
Kodifikatzailea: Aintzane Agirrebeña
Gaia(k): Aisia » Jai-giroa » Erromeriak , Aisia » Kultura » Musika

Transkripzioa

- Eta erromeita ordun, e, Miara?
- Miara juten giñan. Han trikitixa jotzen zuen ba, ta suelto iteko amorratzen eoten giñan. Eta hura’re berandu hasitzen zan ta ez giñan bate disfrutatzen.
- Ta jende asko juten zan?
- Bai!
- Bertatik,Getaitik eta?
- Bai. Udaberridxan asko juten zan. Zeak esaten dia ba, San Isidruak 15ian? Eeeee, ze hil da hori?
- Maiatzian.
- Maietzian hamabostian, ez? Bai. Orduan. Ta bakizu, udaberridxa zan ta, gizonak’e antxotan ta, ez zian atunetan ta orduan ta, danak, gazte guztidxak eta juten giñan gora. Baiña guk itxeko bildurrakin, Garate gaiña harrapatu bihar, hartaka ez zeon bate sermoiikan itxian, egun argiz itxea etorriz geo. Gurasok bildur haundidxa zuen neskaakin ta. Bai, e, ez dakit. Orduan itxe launtza’re asko zan, baiña guk ez gendun denborikan ezertako izan. Bai. Holaxen.
- Eta Mian, e, ze izaten zan, Getaiko jendia bakarrik edo Zumaitik eta Aizarnazabal ta…
- Ez, bazter guztitatik etortzen zan, oso erromei polita izaten zan. Ta geo jendiak iten zuen bokaillo jan ta, batzuek afaldu’re bai.
- Taberna’re izango zan.
- Bai. Tripakidxak o zeoze hola, kaxuelitak eta eoten zian. Taberna? Bai. Uaiñ’e hala dao. Oain restau… zea, Azkue, hotela jarri duen oan, oso hotel polita. Atzo izan giñan azkena. Eta hortxe disfrutatzen giñan. Holaxe.
- Eta erromeritan gustora hamen e…
- Hamen bandakin ta gustoa.
- Bandakin?
- Bai.
- Hobeto?
- Bai. Baiña trikitixa’re asko gustatzen zakun, e? Ordun dana hoixen zan, pelota, trikitixa… eta zea habek… banda txiki hori, ta… Uandikan’e bado hamen, e, banda, baiña…
- Bai, oaintxe zeon, oaintxe zeon joten.
- Bai. Baiña hori idxa festetako ta horrela gehidxo, oan ez da horrela jaiero ta izaten.
- Eta, e, hori bandana zan gerra ondorenian? Gerra bukatu ta aurreneko urtietan o gero o?
- Nik beti ezautu det banda. Jaitan beti ezautu det banda. Esan dizut (esan txut), ba?
- Udaran, edo?
- Zumaitik eta Zarauztikan jende gaztia etortzen zan, mutill gazte ta. Batzuek nobidxuak’e in zituen, eta, horrela. Uain kanbio, dana hamendikan dana alde in iten da, ez dao zeikan.