Pantxike Elordui Uriarte Pantxi

Loiuko Zamarripa auzoan jaio zen 1925ean. Aita Sondikako Iñerratza auzokoa zen eta ama Loiu bertakoa. Zamarripa baserrian jaio eta bizi izan da beti eta sei neba-arrebatatik gazteena izan zen. Eskolara bakarrik bi urtez joan zen arren, bere maistra izan zen Polixene Trabuduaren oroitzapen oso onak zeuzkan. Bederatzi urte zituela, amak eskolatik atera zuen  berarekin Bilboko merkatu-plazan bendeja saltzen laguntzeko eta horretan ibili zen ezkondu zen arte. Asuko domeketako erromerian ezagutu zuen gizona eta 27 urte zituela berarekin ezkondu zen eta bi seme-alaba izan zituzten. Gizonak 51 urte zituela, alargun geratu zen, baina etxekoen laguntzarekin aurrera egitea lortu zuen.