Bizikleta gehiago autoak baino

Pasarteak jarraian erreproduzitu

Hizlaria(k): Urzelai Aiastui, Jesus

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ONA-075-021 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Jesusek lehenengoz ikusi zuen kotxea Zubillagako Altunatarrena izan zen. Hori eta bergarar errekadista baten kamioia ziren eskola ondoko errepidean pasatzen ziren ibilgailu berri bakarrak. Orduan bizikleta erabiltzen zen asko. Bizikletak alokatzen zituzten tailerrak ere bazeuden. "Gorde-gordeka", "tenteka", "txorro-morrora" eta intxaurrekin "potoloka" (kanikarik ez zegoenean) jolasten zuten.

« Aurrekoa Hurrengoa »

Proiektua: Deba eskualdeko ahotsak - Oñati
Elkarrizketatzailea(k): Aintzane Agirrebeña - Kepa Elortza
Data: 2009(e)ko urtarrilaren 22a
Iraupena: 0:02:49
Erref: ONA-075/021
Kodifikatzailea: Kepa Elortza
Gaia(k): Familia eta harremanak » Lagunartea eta familia » Jolasak , Herria, azpiegitura » Garraioak » Autoak , Herria, azpiegitura » Garraioak » Bizikletak eta motorrak

Transkripzioa

- Ni hemen leheningo-leheningo automobilla akordaitten naiz zer bat, ez dakit nungua izango zan. Garaiñak euko eben seguramente baiña gu Garaiñera, kalera zela ez giñan faten, guk ez geben ikusten hori. Hemen etorten zan leheningo-leheningo nik ezagutu nebena behintzet, Altuna. Altunatarrak ekarri euen hemen kotxe bat, Altuna, Altuna anaiak, Zubillagako horreik, horreitxek kotxe bat. Nik leheningo kotxia horixe ibiltten zan hemen, horreik eguardixan ta gabian ta goizian betik ibiltten zan. Eurok anaiak automobillan ibiltten ziren ta. Eta gero? Gero badakitzu, “la peste, la peste del siglo”. Eta kotxia ba, guk karreteran, kamiñuan ez geben trabarik itten. Kamionak? Noizian behin beste kamiontxo bat ibiltten zan, hemen Bergarako haxe ibiltten zan beste bat, errekadista moduen haxe, besterik kitto, iñobez. Domeketan ta iñobez, iñobez, bizikletan bai, bizikletia asko ibiltten zan orduen, orduen bizikleta alkilerrak egozen, Torrena por ejenplo alkilerra euken, atzenengua Roman Igartua, Roman Igartua ez dakit ezagutu zeben zuk.
- Ez, nik Torrena bizikleta alkilerra ez, nik Luxiona ezagutu neben.
- Horren aurrekuak, Luxio gerokua, atzeningua da hori. Eta horreittan egoten zan bizikletak alkilerrien. Horreik pagaitten ez naiz akordaitten, pezeta bat edo orduko edo, pezetia baldin bazeuken hartu eta bizikletan ibilli, ordurako atzera entregau ta... gerra ondorien geruau e? Horreik izaten ziren gure dibersiñuak, txirikilletan, gorde-gordeka. Gorde-gordeka zu be ibillitta egongo zara seguramente, gorde-gordeka...
- Zuek tenteka-ta...
- Tenteka.
- Txorro-morro-piku-tallo-ke...
- Txorro-morro ta tenteka-ta, gero intxaurrakin be bai, potoloka. Zuek ibiltten ziñain intxaurrakin potoloka?
- Ez, guk intxaurrakin ez, kanikak moduen intxaurrak?
- Bai, kanikak moduen.
- Entzun barik neuken, intxaurrakin.
- Kanikarik ez euenien intxaurrakin.
- Kanikak ez, intxaurrakin. Udazkenien agerketan ziren, potolotxo bat iñ eta han.
- Guk potxua esaten gotsan horri. Potoluari potxua.
- Guk potolua esaten gotsan. Gero kaniketan asko, kaniketan gure gazte denporan asko itten zan kaniketan. Kanikiak be dirua balixo eben eta, erriel bateatik ez dakit zenbat emuten zittuein, lau edo bost kanika emuten zittuein ta baten bat galdu itten bazeben, danak harrapo, galdu igual-ta. Eta horreik ziren zerok, gero tenteka, harrapo-harrapoka, gorde-gordeka, txirikilletan bere epokan.

Egilea(k): Kepa Elortza