Antonio Sarasua Gisasola
Eibar (Gipuzkoa) (1912-2002)
Biografia
Eibarren jaio zen, Estaziño kalean, 1912an. Gurasoak eta aitxitxa-amamak ere eibartarrak zituen. Administrazioa ikasketak egin zituen eta Aurrera lantegiko bulegoetan egin zuen beharra. Herriko hainbat ekintza antolatzen eta gidatzen jardun zuen bere bizitza osoan. Besteak beste, Club Ciclistako presidente izan zen 1950eko hamarkadan eta baita Eibar Kirol Elkarteko idazkari ere, garai berean. Kirolaz gain, musika zen beste guztien artean bere zaletasun nagusia. Juan Bautista Gisasola musikari eta konposatzailearen iloba zen eta musikarako zaletasuna txiki-txikitatik jaso zuen etxean. Piano-jole, organista eta hainbat korutako zuzendari izan zen bizitzan zehar (besteak beste, Coral Eibarresa eta Parrokiako korua). Bere lehenengo soldatarekin argazki-kamera bat erosi zuen; gerra ostean baita Super 8 kamera bat ere. Musikarekin, kirolekin eta Eibarko eguneroko bizitzarekin lotutako ehunka argazki eta pelikula grabatu zituen bizitzan zehar. Pelikula guztiak Euskal Filmategian laga zituen hil baino urte batzuk lehenago. Bere grabazioen artean daude, besteak beste, Jose Antonio Agirre Lehendakariaren hileta, Migel Gallastegi pilotariaren finalak, Eibarko I. Euskal Jaia (1965) eta hainbat kirol norgehiagoka (futbola, pilota, txirrindularitza, ziklokrosa...).
Argazkiak
Zintak
# | Kodea | Data | Iraupena | Proiektua | Elkarrizketatzailea(k) |
---|---|---|---|---|---|
AB-119 | 1999 | Egoibarra - Eibartarren Ahotan | Itziar Alberdi Bilbao - Asier Sarasua Aranberri | ||
AB-120 | 1999 | Egoibarra - Eibartarren Ahotan | Itziar Alberdi Bilbao - Asier Sarasua Aranberri | ||
AB-252 | 1999 | Egoibarra - Eibartarren Ahotan | Asier Sarasua Aranberri | ||
AB-253 | 1999 | Egoibarra - Eibartarren Ahotan | Asier Sarasua Aranberri | ||
AB-254 | 1999 | Egoibarra - Eibartarren Ahotan | Asier Sarasua Aranberri | ||
AB-255 | 2000 | Egoibarra - Eibartarren Ahotan | Asier Sarasua Aranberri |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute